LocalFeatured

Mayornan di Mericano accidente fatal riba lama ta pidi pa miho control y siguridad riba lama y media ta pone un alerta pa biaheronan

Abc News Di Aruba

Mayornan di e mucha muhe Cassidy kende a perde su bida den un accidente fatal riba lama aña pasa, kier conscientisa bishitantenan di Aruba pa evita loke cu a pasa cu nan yiu di 13 aña.

E entrevista cu Linda y Dave Murray a pasa e siman aki na ABC News. E programa a tuma contacto cu e compania envolvi den e accidente maritimo aki y Gobierno. E ultimo aki so a reacciona bisando cu ta percura pa tin regla y cumpli cu esakinan.
E accidente aki a sosode na maart, 2022, net un dia prome cu e famia mester a bandona e isla. E yiu muhe kier a bay tubbing y su tata a compañe. Nan a cumpra e trip cu Fun 4 Every 1. Cu ta propaga nan mes cu tin e miho aventuranan den watersports na Aruba.

Den e entrevista aki unda e pareha ta expresa nan tristesa pa e sucedido y ta lamenta e falta di reaccion y regulacionnan cu ta protege esnan cu kier haci uzo di tipo di servicio of ofertanan na Aruba.

E accidente a sosode un rato despues di a subi e aparato y su yiu a wordo tira den awa. Esey no tabata problema pero e problema a surgi ora cu e bay recoge e mucha muhe y esun cu ta nabega e boto cu ta lastra e tubo a perde control di e boto.
E tata a conta cu su yiu tabatin e life jacket bisti y tabata reacciona. Pero na momento di yega cerca, e homber cu tabata nabega e boto a primi eroneamente e trot. Y a sigui mas eror, unda cu e homber a freeze pa e sucedido y no a reacciona mesora pa yuda e turista pa hib’e mesora tera.
Banda di esaki, e homber no tin curso di prome auxilio. No tabatin un di dos persona abordo cu por a mira mesora cu Cassidy a cay for di e boto of por tabata esun pa yud’e abordo bek.

Ministerio Publico a bisa e mayornan cu a yega na e conclusion cu no tin un crimen / delito den e caso aki. Y a bisa ABC News “hopi turista ta participa den tur tipo di actividadnan acuatico. Desafortunadamente, den e caso specifico aki, el a conduci na un accidente resultado teribel … No tin evidencia di un crimen y pa e motibo ey, Ministerio Publico no ta envolvi den maneho di un acuerdo di e accidente aki”.
E pareha tanto Prome Minister di Aruba como autoridadnan encarga cu regulacion di e tipo di actividadnan aki. Nan a papia cu expertonan na Merca, kende ta conseha Mericanonan cu bay di vakantie y cu ta haci uzo di oferta di cualkier tipo di actividad, pa averigua si e compania tin permiso necesario y seguro, si tin ekiponan di siguridad abordo y cu tin un persona adicional cu ta observa esnan den awa.
Y e control aki ta deseo di e famia, eta cu prome cu un hende haci uzo di un di e ofertanan aki, pa haci un investigacion debido cu ta cumpli cu reglanan di siguridad.
E programa di ABC News, esta Good Morning America a tuma contacto cu e compania pero no a ricibi ningun reaccion. Gobierno di su banda a bisa cu a percura pa regulacionnan necesario y ta trahando riba protocolnan cu por garantisa mas ainda e siguridad di personanan abordo di un boto. E famia a duna declaracion na eyewitness News y e la Sali tambe riba ABC news

Related posts

Prome Minister Evelyn Wever-Croes: Gobierno ta uni na e conscientisacion mundial riba Dia mundial contra traficacion di hende

EA News Author

Oficina di Turismo di Sint Maarten ta apoya E Diseñador di moda Local Zillah Duzon Hazel

EA News Author

Minister Maduro di Finansa: E pandemia a cambia e scenario financiero di Aruba, pero e focus di Gobierno pa yega na un finansa publico manehabel y sostenibel a keda mesun cos

EA News Author

1 comment

Leave a Comment

Whatsapp Message