Internacional

Merca a aumenta presencia militar dilanti costa Venezolano


ORANJESTAD,Aruba

Merca ta aumentando presencia military den Caribe pa lucha contra cartelnan di droga cu kier saca probecho di e crisis di coronavirus, y tambe kita fondonan bayendo pa e regimen di Nicolas Maduro na Venezuela, asina Gobierno Mericano a anuncia diaranson.
A informa cu ta lansando un operacion contra narcotica den e area occidental. Ta mobilisando destructornan di marina, barconan di combate, avion y helicopter, cutter di Guarda Costa y navenan di vigilancia di forsa aereo, duplicando e capacidad den e region.
Den un conferencia di prensa General Mark Milley a bisa cu a aumenta presencia militar den e region na momento cu e pais ta enfrentando un pandemia basa riba inteligencia.
Recientemente a haya informacion di inteligencia cu cartelnan di droga, como resultado di COVID-19, ta bay trata di saca bentaha di e situacion y trata di infiltra droga adicional na Merca, e general a bisa reporteronan.
Di otro banda, e presencia militar extra tambe tin e regimen di Maduro den bista na Venezuela, diferente oficial halto a bisa durante e conferencia di prensa.
A menciona cu 16 oficial di e regimen di Maduro, a wordo acusa recientemente door di Departamento di Husticia bou di carganan di narcotrafico. El a bisa cu e regimen ta tratando di establece rutanan aereo pa transporta druga di Venezuela pa Centro America.
Diamars ultimo, Departamento di Estado Mericano a revela plan pa forma un gobierno di transicion na Venezuela y mencionando e condicionnan bou di cual Gobierno di Trump lo kita e sancionnan contra e industria petrolero di e pais y oficialnan di e regimen.
E siman aki tambe a haci un apelacion na Maduro, kende Merca no ta reconoci como e lider legitimo di e pais, pa acepta un oferta pa negocia su salida, y yega na un solucion pa un crisis humanitario di basta aña na e nacion aki.

Pero tambe Merca a pidi Juan Guaido pa temporalmente renuncia su derecho riba e presidencia, mientras cu ta trahando riba e strategia pa core cu Maduro.
E cambio aki a bini despues di mas cu un aña Merca a bin ta guiando esfuersonan pa core cu Maduro. Guiado mas ta bou di presion continuo di autoridadnan, kendenan diamars a pidie pa contesta cargonan di intento di golpi di estado.
Secretario di Estado Mike Pompeo, a bisa cu parti di e cuadra di transicion, e archi rivalnan Maduro y Guaido mester bini cu un Gobierno transitorio cu miembronan di ambos partido cu lo regla eleccion entre 6 pa 12 luna. E persona cu lidera e Gobierno di transicion no ta permiti pa core pa Presidente.

Related posts

TCB i BIA den koperashon ku Entidat Públiko Boneiru i BONHATA ta firma un MoU i un Akuerdo di Koperashon Konhunto

EA News Author

Na Boneiro Wardakosta a intercepta boto cu droga y varios detencion a cay

EA News Author

Komite Ehekutivo Boneiru enkarga ku pone Boneiru riba lista di Nashonan Uni

EA News Author

Leave a Comment