Direktiva di MFK ta refutá informashonnan ku a sali den prensa i riba retnan sosial, esta ku direktiva i/òf lider polítiko di MFK a pidi sra. Pietersz-Janga pa entregá su retiro komo Minister di GMN.
MFK ta lamentá ku den un programa ku ta pasa tur djasabra mainta na un radio emisora, ku un di e presentadónan a trese dilanti ku sra. Pietersz-Janga ta bai entregá retiro na gobernador.
E deklarashon aki di e presentadó ta karesé di e prinsipionan fundamental di periodismo i étika pa informá i eduká un komunidat.
Pa medio di esaki direktiva di MFK ta informá pueblo di Kòrsou ku Minister Dorthy Pietersz-Janga, ta keda okupá e funshon di Minister di GMN i ku no tabatin ningun kombersashon ku e Minister pa e entregá su retiro.