Di acuerdo cu un ministeriele beschikking di 21 di juli 2026, firma dor di e minister responsabel pa Enseñansa, Deporte, Hubentud, Innovacion (den e periodo di kabinet AVP-Futuro), a otorga un encargo di servicio (overeenkomst van opdracht) sin anuncio publico (onderhandse aanbesteding) na e compania POPA Psychologie- en Onderwijspraktijk Aruba, kende ta wordo representa pa su director, sra. Raymicheline Manuela Jurienne (Misha) Raymond. Politico activo di partido RAIZ den e ultimo eleccion.
E decision aki, basa riba un aprobacion di conseho di minister di 14 di juli 2026, ta drenta na vigor riba 1 di augustus 2026 y ta bay sirbi pa henter e duracion di e gabinete actual.
E documento oficial ta stipula cu e gastonan pa e sosten strategico riba tereno di hubentud pa e Bureau di e minister Enseñansa, Deporte, Hubentud, pero esaki no ta un maneho cu mester cay bou di Minister di asuntonan social y salud realmente ?
Remunerashon mensual: Un suma stimá di Afl. 13.423 pa luna, e suma aki ta inclui BBO, B-AZV y B-AVP.
Oren di extra (Overuren): Den caso cu tin necesidad di trabou of ora adicional, ta paga un tarifa di Afl. 155 pa ora, inclusivo tambe BBO, B-AZV y B-AVP.
E gastonan aki ta carga riba e posesion di presupuesto number 16770001.4361 di e Ministerio di Enseñansa i Deporte.
Ken ta Misha Raymond?
Sra. Misha Raymond ta un psicologo di mucha y hubentud conoci coomo politico activo den e ultimo eleccion cu ainda no a tima su retiro den politica na Aruba. E ta miembro di Parlamento di Aruba pa partido RAIZ entre september 2021 te na e ultimo eleccion ainda, periodo durante cua e tabata tambe lider di fraccion.
Te ainda ta fresco den memoria e pacto cu e politico Misha Rymond a haci hunto cu Gerlien Croes independiente den parlamento , AVP , MAS y Accion 21, un pacto pa baha presidente di parlamento Edgar Vrolijk mientras e tabata parti di e gobierno MEP RAIZ . Awe kisas e ta wordo premia door di traiciona su propio gobienro? Debi cu a cera pacto cu oposicion y a logra nan meta? Esaki ta e profecional cu Aruba lo bay paga un suma Afl. 13.423 pa luna, b placa di bo cartera siendo e la traciona su votadornan y e pueblo di Aruba.
Pa por a duna e encargo aki directamente na e practica di e politico sra. Raymond, gobierno a aplica un excepcion riba articulo 10 y 11 di e Aanbestedingsverordening. E gobierno su argumenta cu e trabou ta exigi conocemento specifico y cu, debi na e caracter particular di e tareanan, mester tin un confiansa mutuo entre e minister y e experto en kestion pa garantisa un colaboracion duradero y efectivo.
E decision a keda manda pa conocemento na e Ministernan, Algemene Rekenkamer Aruba, Direccion di Impuesto, Direccion di Finansa, CAC y Bureau Voorlichting. Banda di esaki MinisterRaad ta apoya un gesto asina aki, pero dicon kisas ta apoya esaki ?
