Featured Politica

Mientras ta na VNO : Ley pa permiti matrimonio mesun sexo No por ta riba ley pa integridad di parlamentarionan


Parlamentarionan di Aruba no ta dunando e miho ehempel na comunidad, caminda ya caba entre otro tin dos Parlamentario cu ta sospechoso den casonan penal contra di nan y awor tin e asunto di ley di matrimonio di mesun sexo, cu pa adapta e ley aki.
Ta lanta e pregunta ta kico tin prioridad pa parlamentarionan cu ta di acuerdo cu e ley pa permiti matrimonio di hendenan di mesun sexo, ta mas importante cu un ley adecuado pa por screen parlamentarionan si nan ta integro pa representa pueblo den Parlamento di e pais.

Mas cu claro den un asunto asina, lo ta miho pa permiti pueblo vocifera su bos, bin dilanti y permiti pueblo bisa kico realmente nan ta pensa riba e desaroyo aki, caminda ta pone prioridad pa adapta un ley cu no tin prioridad na e momento aki. Sinembargo e mes un grupo di e parlamentarionan aki a bay entrega un carta contra di mal gobernacion, pero nan mes como parlamentario no ta cumpli como bon parlamentarionan.

Realmente ta un berguensa cu politiconan cu no ta ni tuma e decencia ta hala un banda laga investigacion caba pa husticia haci su trabou pero ta bolbe confirma e mentalidad custumbra di ultimo añanan, caminda placa y privilegio, ta mucho mas importante cu respet moral y balor di integridad pa pueblo. Manera den hopi comunicado partido CURPA a vocifera, pero awe tambe ta riba e lista di apoyo di carta pa bay Hulanda.

Ora parlamento ta bira lomba pa e cosnan aki, nan ta mes culpabel cu e parlamentarionan cu ta sospechoso di comete fraude cu fondo y tereno publico, ya cu ambos asunto ta draai rond di integridad di un politico, di un parlamentario y di un minister. Sinembargo parlamento mester tuma medida disiplinario riba nan unda nan no lo por biaha pa representa Aruba na ningun caminda mirando cu nan ta bao di investigacion, cu otro palabra parlamento mester ahusta na nan situacion enbes cu nan duna honor na nan mes y ta un ehempel pa e comunidad di Aruba.

Hopi hende den comunidad kier sa di con parlamento completo, a keda keto y ta mas cu claro Parlamentario Miguel Mansur no por bisa nada, ya cu e ta bon na altura cu si e bay haci esaki, su persona tambe lo wordo someti na un bon screen riba dje, caminda hopi hende ta kere cu e lo no pasa dor di e screening aki. Pero si ta firma pa un carta bay Hulanda.

Tambe tanto Benny Sevinger y Marisol Lopez Tromp ta bao di investigación , pero ketobay ta den parlamento di Aruba. Kico realmente ta e mensahe cu kier ilustra aki ?.
Ta e tipo di asuntonan aki parlamentarionan tin cu actua ariba, tin cu atende cu e asuntonan aki cu no ta gosa di simpatia y sosten di pueblo, ya cu ta asuntonan sumamente delicado pero si ta keda trabou di Parlamento pa atende cu asuntonan di interes general di pueblo di Aruba den su totalidad y esey no ta tumando luga pa algun tempo caba. Ta keda na pueblo pa mira e operacion aki y tin e norma y balornan fuerte pa sa kico realmente kier pa Aruba. Un político lo mester por traha pa bienestar di Aruba, pueblo ta dune su voto y confianza pa traha pa hiba Pais Aruba engeneral padilanti y no cada persona individual.

Related posts

Parlamentario Rocco Tjon: Nos lo dialoga cu sindicatonan pa atende cu nan preocupacion

EA News Author

Serlimar Pos Chikito di centro di reciclahe pa ‘parking lot’ pa trucknan di sushi

EA News Author

Prome Minister Evelyn Wever-Croes: Mercado popular na oranjestad y san nicolas

EA News Author

Leave a Comment