Awe den oranan di mainta Mike de Meza y su abogado tabata den corte porta cera hunto cu ministerio publico. Esaki ta e kortgeding cu Mike de Meza a entama contra di ministerio publico. Abogado di Mike de Meza ta indica cu nan ta hopi satisfecho cu e resultado y cu Hues a scucha Mike de Meza hopi bon y a haci hopi pregunta na OM y OM no por a contesta segun abogado di Mike de Meza Desiree Croes. Tambe OM tabata para riba e ley di LIM , pero loke cu ta bon cla cu nos constitucion ta riba LIM y e gedrag di derechonan humano europeo ta hopi pero hopi mas riba LIM.
Na momento cu un persona ta wordo cualifica como un sospechoso e mester haya sa di kico e ta sospecha. Sinembargo tin dos siman caba cu a pasa y cu Mike de Meza no sa di kico e ta wordo acusa di dje. Abogado Desiree Croes ta indica cu Ministerio Publico no por a duna ningun splicacion y no por a contesta hues riba su preguntanan.
Mike de Meza ta indica cu e la Sali satisfecho di e caso y Ministerio publico den e reunion a indica cu e no por a bisa cu e ta un sospechoso of e no ta un sospechoso. De Meza a duna di conoce cu hasta e la bisa hues cu e ta sinti cu ta trata di un persecucion politico. Na mes momento De Meza ta contento con hues a trata e caso.
Caso di Mike de Meza ta un caso importante cu ta concerni Land Aruba y ministerio publico ta indica cu nan no tin suficiente personal pa traha riba e caso. Ta bisa cu no tin suficiente personal y tampoco placa. Ta lamenta e expresion nan aki di OM mirando e caso cu ta uno asina importante unda cu interes general , interes di gobierno y Pais Aruba cu no ta duna preferencia.
Na mes momento abogado no ta pidi pa keda cla cu e caso , pero ta pidi pa cuminsa cu e caso , pero ministerio publico no por a contesta e motibonan di e kehonan contra di Mike de Meza. Aki un siman lo ricibi contesta di Hues .