SocialFeatured

Minister Dangui Oduber: British airways ta lansa vuelonan directo pa Aruba na maart 2023

Aaa British Airways Ad Ago22 Digital1

Diahuebs Minister di Turismo sr. Dangui Oduber a yama Bon Bini na un dia memorabel pa Aruba su turismo. Aruba ta keda reconoci un biaha mas como un destinacion di nivel halto global, e biaha aki pa e aeroliña Britanico. E strategia pa expande nos mercadonan internacional ta dunando su fruto.

Na aeropuerto e mandatario conhuntamente cu Aruba Tourism Authority y Aruba Airport Authority a firma e acuerdo cu e aeroliña nacional di Gran Britania esta British Airways. Minister Oduber ta contento di por anuncia cu entrante di maart di aña 2023 lo cuminsa cu dos vuelonan semanal directo desde di London Gatwick (LGW) Airport.

Ta bon pa menciona cu den pasado ya caba tabata tin vuelonan desde di London pa Aruba pero esakinan tabata vuelonan temporal den vakantie grandi y tambe di charter. Pero esaki ta e prome biaha cu tin vuelonan directo cu ta vuelonan scheduled.

E mandatario ta señala cu e anuncio aki ta demostra un voto di confiansa hopi grandi pa cu Aruba su turismo den Europa. E dos vuelonan semanal cu lo bin di LGW lo ta riba diahuebs y diadomingo cu lo wordo opera cu un avion Boeing 777-200 di 336 asiento. Tambe tin entendi cu ya caba ta disponibel pa pasaheronan por book pa nan vuelo pa Aruba den luna di maart.

Ya desde un tempo caba e mercado di Gran Britania ta creciendo den un mercado importante pa Aruba ricibiendo alrededor di 11 mil Britanico pa aña. Minister Oduber ta premira cu e vuelo nobo aki lo bay duna un empuje grandi, no solamente na e cantidad di bishitante, pero tambe den aumento di e mercado di Britania pa Aruba como destinacion.

Minister Dangui Oduber ta yama danki na AAA, especilamente e Airlift Committee, tambe na ATA, especialmente ATA-Europe y ATA-UK, pa logra trece un di e aeroliñanan mas prestigioso na nos isla. Un danki sigur na British Airways pa duna Aruba su confiansa. Danki na tur persona cu ta involvi den Aruba su turismo, na tur esnan cu ta duna e tremendo servicio na nos bishitantenan. 

Mi ta convenci cu Aruba ta cla pa duna un generacion nobo di bishitante un experencia inolvidabel pa nan sigui scohe Aruba como nan di dos cas.

Cu accionan concreto y cu bon resultadonan Minister Oduber ta diversificando nos turismo.

Related posts

Minister Endy Croes presente na apertura di e tayer di solucion di conocemento tradicional di cambio di clima

EA News Author

Ta trahando pa intruduci scol Arubano Multilengual

EA News Author

Comandante di forsa maritimo den Caribe y tambe director di Wardacosta a bishita Caribe

EA News Author

Leave a Comment

Whatsapp Message