Politica

Minister Dangui Oduber: Gobierno di Aruba ta duna reconocimento na Sra. Edna Eckmeyer pa su 40 añanan den servicio di Wit Gele Kruis


ORANJESTAD,Aruba

Dialuna merdia Minister di Salubridad Publico Sr. Dangui Oduber den nomber di Gobierno di Aruba a presenta un reconocimento na Sra. Edna Eckmeyer pa su 40 añanan laborando na Wit Gele Kruis. Sra. Eckmeyer a drenta den servicio di Wit Gele Kruis na aña 1980 y ta trahando keto bay den e parti administrativo.

Minister Oduber a tene un combersacion hopi ameno cu Sra. Eckmeyer riba su bunita y largo trayectoria. Actualmente Sra. Eckmeyer tin un bunita edad di 76 aña y cu bon salud, segun Sra. Eckmeyer e ta wak su mes ta traha pa 2 aña mas. Locual tabata hopi remarcabel ta cu Sra. Eckmeyer no a laga modernisacion den e systema strobe di eherce su funccion, Sra. Eckmeyer a sa di adapta su mes cu tempo y sigui cu su trabou y esei sigur ta algo di admira.

Señora Eckmeyer sigur ta un ehempel pa hopi den Wit Gele Kruis, finalmente e mandatario a manda un palabra di gratitud special pa e gran labornan cu Sra. Eckmeyer a eherce durante tur e añanan.


Related posts

Minister Dangui Oduber: E introduccion di e “Eigen Bijdrage” di AZV no ta continua

EA News Author

Prome Minister Evelyn Wever Croes ta sinta mira y ta coopera cu minister di enseñansa

EA News Author

Parlamentario Marco Berlis (MEP): Un famia fuerte ta un comunidad fuerte

EA News Author

Leave a Comment