Na 2019 na momento cu e cuminsa cu e prome reforma fiscal caminda cu a baha e loonbelasting di tarifa nan di 14 diferente tarifa a baha esaki pa 4 diferente tarifa y hunto cu esaki a baha cada tarifa cu 2 % .
Na 2021 memey di pandemia y na 2020 a duna dos alivio fiscal , pero na 2021 a baha loonbeslating como compensacion y despues a traha tur e añanan ey riba introduccion di BTW pa Aruba . Gabinete Wevfer Croes a traha dos aña y mey hunto cu experto di IMF y Hulanda cu a pone placa tambe pa haci e cambionan aki. Despues cu tabatin 2 aña ta traha riba e cambio aki di BTW lamentablemente 5 pa 12 partido RAIZ no tabata kier a bay door mas cu e cambio di BTW paso minister di economia Geoffrey Wever no tabata comodo cu e cambio y a traha contra di e cambio di BTW y a pone un presion hunto cu comercio haciendo politica pa no introduci e cambio di BTW.
Asina e trabou di dos aña cu gabinete Wever Croes a bin ta haci pa introduci BTW pa Aruba a para y e ora e refroma fiscal di e tempo ey mester a yama reforma fiscal 2023 y asina a bolbe baha loonbelasting pero mester a pone esaki memey di aña introduciendo un BBO na frontera cu ta similar con un BTW lo traha den realidad. E sistema di BBO na frontera a lage traha un anja pa mira kico ta su resultado. Sinembargo hunto cu e BBO na frontera a bin cu compensacion den forma di reduci invoerechten riba varios producto y combustibel pa asina yuda poder di compra.
Minister di finansas Xiomara Maduro na momento cu a implementa esakinan a sigui e desaroyo hopi di cerca y un aña despues na augustus a mira y na mes momento a dicidi cu full e aña ey e compensacion no a traduci su mes na un rebaho di prijs na Aruba door di diferente factor nacional y internacional. Asina a tuma e decision pa bay bek na rebaho di loonbelasting haci calculo pa haya compensacion pa yuda poder di compra y e loonbeslasting.