Politica

Minister Maduro: Fecha Pa Pago Di Number Di Auto Mitar Aña Ta Extendi Te Cu 28 Di Februari 2020


ORANJESTAD,Aruba

 Durante e conferencia di Gobierno, Minister di Finansa a anuncia cu a extende e fecha pa paga number di auto pa mitar aña te dia 28 di februari 2020. Alabes e mandatario a enfatisa cu no a haci cambio den e tarifanan, tur tarifa di number di auto a keda mes un cos.

Fecha di pago number di auto ta ancra den Ley

Minister Xiomara Maduro a brinda informacion riba e fecha di pagonan di number di auto cu tur aña ta 31 di januari y e di dos pago ta dia 1 di juli. E fechanan aki y e boet pa esnan cu no ta paga na tempo, ta ancra den un Ley for di aña 2016 cu a drenta na vigor na aña 2017. Tur usuario cu tin un vehiculo di motor tin e deber di paga e impuesto aki pa por haci uso di e vehiculo. Pa e aña aki door di e retraso den entrega di e plachi di number, e mandatario a extende e fecha di pago di number di auto pa e prome mitar di aña te cu 28 di februari. 

Ricibi online bo comprobante di pago 

Departamento di Impuesto (DIMP) tambe ta ofrece e posibilidad di haci pago online. Ora bo paga bo number di auto online, bo no mester para den rij na DIMP mas pa ricibi e comprobante di pago. Awor por manda un email na info@impuesto.aw y menciona bo nomber, persoonsnummer, number di auto y un’ snapshot’ di e pago y DIMP lo email bo e comprobante di bo pago. Cu esaki bo por busca bo plachi di number di auto cu lo wordo distribui na luna di maart.

DIMP ta habri riba diasabra

E mandatario a informa cu DIMP ta extende su dianan di ofrece servicio. Entrante diasabra awor, DIMP na Camacuri lo ta habri for di 8 or di mainta te 2o r di merdia, te na fin di februari, pa tur pago di impuesto.

Cada cuidadano mester cumpli cu nan deber

Minister di Finansa ta recorda tur ciudadano pa cumpli cu nan deber pa paga number di auto na tempo, ya e plaso duna ta suficiente tempo pa por cumpli cu e pago.

Related posts

Segun Lider di AVP Aruba tabatin parthernan cu a instala e prome experiencianan riba energia solar

EA News Author

Politica nobo of extension di gobierno?

EA News Author

Rene Kock (RED) Plan pa aloca Julianaschool den edificio di EPI y EPI lo bira scol di anochi no ta plan di e gobierno actual

EA News Author

Leave a Comment