Oranjestad – Diasabra ultimo nos muchanan y mayornan a disfruta di un
tremendo programa “Danki Sinterklaas”. Sinterklaas a haya un bunita bon bini
den Caya Betico Croes na apertura di e programa di e grupo di baile Chazz
Dancers. Piet Bloblo y crew tambe a forma parti di esaki caminda un y tur a
hari y goza. E hobencita Taheely a haci un presentacion cantando un bunita
cantica. E hoben Jaylon Machado tambe a deleita publico cu su magia. Un bunita
programa dirigi pa Ompi Lyo, Sr. Lynel Dirksz y Kerekentenchi cu a entretene
nos muchanan. Minister di Cultura y Comision Celebracion Dianan Nacional a
sostene e bunita programa ‘Danki Sinterklaas”, cual a wordo prepara den studio
di Elite y a wordo transmiti en bibo pa Telaruba, Diario TV Canal 48 y facebook
page di Gabinete Wever-Croes. Apesar cu nos ta pasando den un situacion
diferente a sa di prepara un bunita programa, Sinterklaas ta e fiesta mas grandi
di nos muchanan y cu e programa aki a haci e curason di chikito y grandi
contento cu di e forma creativo aki for di cas nos muchanan hunto cu famia por
a disfruta y participa den esaki. Un biaha mas un danki na Elite, Diario TV, Tele
Aruba, Toys 4 Us, Letter Table Aruba, Sinterclub, Kerekentenchi, Piet Bloblo
Crew, Chaz Dancers, Taheely, Jaylon Machado, Cuerpo Policial, Zamirah
Hernandez , Randy Fundacion Bon Nochi Drumi Dushi, y Finelaine MerrylaineTromp cu a trece Sinterklaas pa Studio. Na nan tur y e muchanan y nan famia
danki pa sintonisa e programa.
