Detenshon pa destrukshon
Djabièrnè 19 di sèptèmber, alrededor di 5 or di mardugá, a detené un dama di inisial S.A.P. di 24 aña di edat na Kaya Shoshori pa destrukshon. E sospechoso a kometé destrukshon na un outo na Kaya Piedra Pretu. Investigashon den e kaso ta kontinuá.
Entrada hudisial
Den oranan di mainta di djaweps 18 di sèptèmber, a tene entrada hudisial na un kas na Kaya Shoshori relashoná ku un investigashon andando riba un kaso di violensia públiko. No a konfiská nada relevante pa e kaso. E investigashon ta kontinuá.
Búskeda di persona pèrdí
Kuerpo Polisial Hulanda Karibense (KPCN) ta pidi búskeda di e turista merikano, Jessica Collins di 47 aña di edat. Den oranan di mainta di djaweps 18 di sèptèmber, e punto di kontakto di e barku krusero na Boneiru, a mèldu desaparishon di e dama na polis.
Djárason 17 di sèptèmber 2025, e dama a baha ku un tas di lomba for di e barku krusero Carnival Horizon i no a regresá mas. Te na e momentunan aki, polis no a logra di tin kontakto òf lokalisá Jessica.
Polis ta pidi un i tur ku por a mira Jessica òf ku por tin mas informashon na unda e ta keda, pa tuma kontakto mesora ku polis na 911, 715-8000 òf via di e liña di tep anónimo 9310.
Ladronisia na bich i detenshon
Djárason 17 di sèptèmber a drenta keho di ladronisia for di un gòlfkar ku tabata stashoná na ‘Te Amo Beach’ na Kaya Internashonal. Mientras e okupantenan tabata landa, deskonosínan a bai ku un tas ku kontenido ku a laga tras riba e stul di pasahero.
Den kuadro di e investigashon, riba mes un dia alrededor di 8.40 or di anochi, a detené un hòmber di inisial D.S.P. di 49 aña di edat na Kaya Dr. Jose G. Hernandez. Investigashon den e kaso ta kontinuá.
Bo a mira algu sospechoso? Yama 717 8000 òf e liña di tep anónimo 9310.