Diadomingo 4 di september 2022 pueblo di Aruba a disfruta di un bunita Parada Cultural den e bario di Brazil. Un parada cu ya pa algun aña nan ta haciendo un impacto den nos comunidad. Por a mira 7 grupo cu a participa hunto cu nan banda musical of DJ. Por a experencia hopi ambiente y sin lubida e bunita bailenan cu ta di nos Aruba.
Tanto adulto como hoben a participa den e Parada. Esaki a haci e parada hopi bunita, unda por a mira e union. Tambe por a mira e ehempel importante cu ta ser duna na nos hobennan. Balora semper nos cultura y asina nos por keda mantene e tradicion na Aruba, unda por mira con nos futuro generacion por mantene nos cultura como prioridad.
Esaki ta prome biaha cu mi persona a participa den nos Parada Cultural y mi por bisa cu e tabata un experencia hopi bunita. Mi kier motiva pueblo di Aruba y mas bario pa participa na e Parada Cultural aki.
Pabien na e organisadonan, e participante y gruponan musical. Tambe e figuranan cultural y pueblo di Aruba cu a haci e parada asina fantastico. Nos ta cultura y cultura ta nos!
