Featured Local

Eagle lng y royal haskoning ta organiza un reunion cu ngos riba september 6, y a invita un grupito selecto di organizacion


Di e momento cu Eagle LNG Partners a anuncia e firmamento di contractonan cu WEB Aruba NV pa suministra WEB Aruba NV cu gas natural pa un periodo di 20 anja pa uso den e dual-fuel engines di  Wartsila pa e generacion di energia electrico, controversia, falta di informacion y secrecia mediante non disclosure agreements a pone cu a deal cera entre Eagle LNG Partners y WEB Aruba a bira sospechoso y no transparente.

Despues cu tanto miembronan di Staten como  Rainbow Warriors Core Foundation a vocifera nan preocupacion tocante e falta di informacion, acceso na documento y transparencia, ainda Eagle LNG y  Gobierno di Aruba no a produci ningun informacion concreto.

Y ora Rainbow Warriors Core Foundation a identifica e plan pa corre 14 kilometer di tuberia di gas for di e regasificaction plant na Seroe Colorado te cu e planta di WEB Aruba NV ariba tera, pasando den areanan densamente popula, Eagle LNG y Gobierno di Aruba a persisti den un silencio total tocante e detayenan technico y ambiental.

EAGLE LNG a tene town hall meetings den cual no a revela ningun detaye concreto technico of ambiental.

E compania holandes den environmental consulting and engineering Royal Haskoning a ser contrata pa crea e Environmental Impact Assessment (EIA), estudio di impacto ambiental.

Segun comunicadonan di EAGLE LNG lo tene riba 7 y 8 september town hall meetings pa trata e concepto di e estudio di impacto ambiental.

Awe, dialuna 5 di september Rainbow Warriors Core Foundation a obtene informacion cu lo tene un reunion cu NG0 pa trata e concepto di e estudio di impacto ambiental riba diamars 6 september na Hyatt Place, cuminzando 9.00 AM.

Despues di haci algun yamada a bin constata cu SOLAMENTE Aruba Birdlife Conservation, Stimaruba y Turtugaruba  a ser invita, di cual e ultimo a duna di conoce cu lo no atende pasobra no kier tuma parti den reunionan cu un grupito selecto so.

No a invita ningun organisacion ambiental y specificamente  Rainbow Warriors Core Foundation, Accion Ambiental y organisacion di naturaleza Fanapa no a ser invita ni yama ningun momento.

Tumando den consideracion tur e falta di informacion, secrecia mediante Non Disclosure Agreements, falta di transparencia pa cu miembronan di Staten y awor e practica “selective hand picking” di NGO pa un reunion cu NGO tocante un concepto di estudio di impacto ambiental e ta bira necesario pa cuminza notifica e Gobierno Federal di Merca, specificamente State Department, agencianan regulatorio di Merca y Tweede Kamer y agencianan regulatorio di Union Europeo di e maniobranan delibera di tanto EAGLE LNG como Royal Haskoning.

Related posts

Pronostico di tempo dialuna 30 di mei 2022

EA News Author

Boneiru lo yama bon biní na buelonan for di Merka i ta lansa programa nobo Bonaire Friendly Safety Seal

EA News Author

Minister Dangui Oduber Otro aña southwest airlines lo tin vuelo directo pa orlando

EA News Author

Leave a Comment