Politica

Parlamentario Endy Croes: Termination Agreement CITGO a jega Parlamento Aruba lo sali beneficia y finalmente y lo splika dicon


ORANJESTAD, Aruba

Parlamentario Endy Croes a splika cu Parlamento a ricibi “Termination Agreement” pa asina Parlamento por bay over na duna un “machtiging” esta un apoderacion pa Ministernan concerni esta Minister Presidente, Minister di Finansas y Minister di Infrastructura por actua den e caso aki terminando e contract oficialmente cu CITGO.

Contract firma pa AVP 10 di Juni 2016 “ Definitive Participation Agreement”

Dia 10 di Juni 2016 gobierno di Aruba e tempo aya ( AVP) a firma un contracto di mas di 2000 pagina entre Aruba, RDA, CITGO cual a mara Aruba fuerte na man cu pia sin cu nunka Aruba a gana algo significativo cu e contracto aki. CITGO Aruba mester a renoba  y percura pa un re-apertura di e refineria y alaves mester a renoba tambe e terminal. Pa por e sera diferente contractonan aki Gobierno tabata tin mester di un apoderacion di Parlamento e tempo aya na 2016 cual nan a haña tambe. Sinembargo USA a pone diferente enbargo riba tur e doctermaatschappij nan di PDVSA entre otro CITGO unda CITGO no por a jega na financiamento mas pa logra renoba y habri e refineria y tampoko e terminal. Consecuentemente CITGO a expresa su intension serio cu nan no por sigui mas den e condicionnan aki.  

Exhoneracion di garantia di 150 miyon:

CITGO Aruba mediante PVDH ( un holding di PDVSA) di acuerdo cu art 11.3 di e contracto official Definitive Participation Agreement mester a duna na inicio di e projecto un garantia di 150 miyon us dollars na RDA ( pais Aruba) pa garantisa su obligacionnan conosi tambe bou di e terminologia “The PDVH Maximum ammount”. Tambe e garantia aki lo cubri cualkier posibel daño na medio ambiente riba e terenonan cu nan lo usa y posiblemente lo por wordo contamina.

Termination Agreement y no Umbrella Dispute Settlement Agreement:

Parlamentario Endy Croes ta splika un poko pakiko a escoge pa Termination Agreement y no e caminda di Umbrella Dispute Settlement Agreement cu ta un caminda cu por cana di acuerdo cu e contracto Definitive Participation Agreement. Escogiendo pa e caminda di umbrella dispute agreement na e momentonan aki debi na e cirumstancianan actual lo ta un caminda demaciado largo, dificil y costoso.  Pais Aruba lo mester bringa esaki den arbitrage na New York sin garantia cu bo lo gana mientras por dura pais Aruba alrededor di 5 aña den corte internacional. Escogencia di Termination Agreement ambos partido lo exhonera otro y Aruba mucho mas liher por habri combersacion cu otro partners y expolra ideanan nobo.

Termination Agreement:

 Akiden tin dos componente hopi importante. Uno Aruba ta exhonera CITGO (PDVH) di tur futuro claims di maximum 150 miyon us dollars. Como cu practikamente CITGO nunka a habri y opera riba e terenonan aki e daño si constata cu kisas lo tin por ta minimal. Alaves  Aruba y CITGO a jega na acuerdo cu lo laga un compania externo hasi un “nulmeting” riba e situacion di e terenonan desde cu CITGO a subi eyriba na 2016 pero nunka a restart operacion te cu awor. Si den e  rapport aki por  constata cu por tin posibel daño ambiental na e terenonan desde cu nan a usa esakinan CITGO lo responsabilisa su mes pa esaki. Na di dos lugar den e settlement aki CITGO Aruba tambe ta distancia y renucia su derechonan legal pa cualkier claim cu e lo por tin contra pais Aruba ( RDA) di acuerdo cu e proceduranan ancra den e Definitive Participation Agreement.

Gobierno a exigi CITGO cumpli cu empleadonan y debenan fiscal:

Den negosacionnan cu a tuma basta tempo un di e exigencianan di gobiero tabata pa CITGO cumpli cu un pakete decente pa su empleadonan y alaves mester cumpli cu belasting como cu esey ta ancra den ley.  Berdaderamente CITGO a cumpli final di Januari cu su empleadonan y a jega tambe recientemenmte na un settlement cu belasting na un suma alrdedor di 17 Miyon dollar.

Di acuerdo cu informacion  CITGO debe RDA un suma di alrededor 11 miyon dollar na huur y aki nos mester para keto un rato  y pensa si ta bale la pena habri un debate riba esaki y keda kibra cabez akiriba of laga CITGO bay. Parlamentario Endy Croes ta ful di acuerdo pa habri hala y laga CITGO bay pior ainda na e momentonan tan dificil cu Aruba ta encontra su mes aden. Mi ta hopi positivo cu mester un desaroyo nobo pa Sanicolas y oportunidadnan lo habri asina cu gobierno tin e jabi bek den su man pa por negosha. Parlamentario Croes ta hasi un apelacion

 Na Parlamento den su totalidad pa trata be tema aki cu tur seriedad pa pronto por duna e apoderacion na gobierno pa nan por atende cu CITGO terminando e contracto habriendo espacio pa retonan nobo cu partnersnan serio. 

Related posts

Minister Xiomara Maduro ta informa cu desde 1 di januari ta reduci impuesto riba material di contruccion di 12% pa 10%

EA News Author

Parlamentario Alan Howell Contento cu ta existi e posibilidad pa entrega 25% di salario

EA News Author

Lider di Fraccion di MEP drs. Shailiny Tromp-Lee: “Mi ta honra di un biaha mas por ta un representante di pueblo

EA News Author

Leave a Comment