Politica

Parlamentario Robert Candelaria di bishita cerca Minister di Husticia di Corsou Quincy Girigori


ORANJESTAD,Aruba

Siman tras di lomba tabata uno bastante importante pa Parlamento di Aruba.  Un delegacion di Parlamento a atende reunion di IPKO cu a tuma luga na nos hermana Isla Corsou. 

Parlamentario Robert Candelaria a comparti na su yegada algun detaye adicional referente reunionnan cu a tuma luga.

No solamente reunionnan di IPKO tabata riba agenda pero entre nan a probecha e momento p’asina sinta cu Minister di Husticia di Corsou Quincy Girigori como tambe parlamentario El Alyoubi p’asina intercambia riba sucedido, reto pero principalmente solucionnan cu lo por beneficia e islanan di Reino.

Posibilidad pa traha hunto semper ta na miho interes di e pueblo y ta locual cu a discuti ampliamente riba dje den e reunion cu e Minister actual di Corsou. E miho manera pa traha ta hunto y yega na logronan den Husticia, ta algo cu sigur a keda topico di importancia riba mesa, mirando tambe e problematica cu ambos pais ta pasando aden na e momentonan aki. 

Robert Candelaria di su banda ta mira e reunion aki como uno beneficioso y ta gradici e amabilidad y ricibimento, un cartera manera esun di Husticia no ta uno fasil y como tal ta aprecia e tempo cu a tuma pa ricibi y dialoga riba topiconan/ solucionnan cu lo por bin dilanti pronto den cooperacion cu otro riba e Isla rumannan.


Related posts

Prome Minister den su discurso nacional a duna resumen di ultimo logronan di Gobierno: E logro mas importante ta cu gobierno a logra paga e 5% na empleadonan

EA News Author

AVP ta grita medida sinembargo ta dos aumento di accijns riba alcohol y tabaco tin

EA News Author

Parlamentario Mike de Meza: Den 5 aña no a haci nada riba tereno di energía alternativa

EA News Author

Leave a Comment