ORANJESTAD,Aruba
Awe mi tawatin e honor di por forma parti di e comishon na Universidad di Aruba, cual a evalua e tesis, di sr. Gijs van der Pol, titula “Financiering van politieke partijen op Aruba”.
Un tesis cu sigur ta di balor agrega pa e Ley di financiamento di partidonan politico, cual lo wordo trata dentro di poco den Parlamento. E recomendacionnan haci ta valido y nos lo tene cuanta cu esaki den e version final di e concepto di ley.
Un pabien grandi ta bay na sr. Gijs van der Pol kende a defende su tesis exitosamente y a obtene su titulo di LL.M (Master of Laws).
