Local

Parokia Inmaculada Concepcion Ta Cambia Horario Di Misa Diadomingo Y Ta Ofrece Misa Na Spanjo Na Nos Comunidad Latino Residencia Na Aruba


ORANJESTAD,Aruba

Pastoor Jairo y Pader Jose Nava y hunto cu Conseho Parokia Pastoral ta participa cu lo bini cambio di horario di misa den Parokia Inmaculada Concepcion na Santa Cruz. Desde diadomingo 2 di February e horario di misa ta cambia. E cambio lo ta siguiente. Diadomingo e misa Mayor lo ta 8:AM y 10 AM misa na Spanjo y atardi 6:30 PM. Esey kiermen cu misa 6:30 AM y Misa di 9 AM ta cai afor y ta pasa pa e horario nobo. Solamente e misa di atardi diadomingo ta conserva su ora manera costumber.

Posiblemente despues di misa di 8 AM lo por ofrece na porta di misa un coffee, asina e sacerdotenan por comparti un rato cu e parokianonan.Ariba dialuna lo ta un dia di descanso pa e sacerdotenan, esey kiermen cu lo no tin celebrashon eucaristico dialuna, pero si mester haci entiero esey ta posibel.Horario di kantoor si ta keda normal, di dialuna pa diabierna di 5 PM te cu 6:30 PM. E kantoor di Santana ta habri Dialuna Diaranzon y Diahuebs di 5 PM te cu 6 PM. Tambe ta particia cu ya tin fechanan di Bautismo pa anja 2020 estableci sin posibilidad pa cambia esaki.Pronto lo anuncia tambe fecha di inscribcion pa confirmashon.

Parokia Inmaculada Concepcion ta sigui ofrece misa na TV cual te awor ta Tele Aruba y Diario TV, ariba Youyube: Dia Di Senjor. Facebook Page: Parokia Inmaculada Concepcion Aruba. y posibelmente e misa na Spanjo lo ser transmiti den futuro ariba TELE JESUS INTERNACIONAL DI NEW JERSEY.U.S.A

Parokia Inmaculada Concepcion tambe lo bai ofrece celebrashon Eucaristico na spanjo, tumando nota cu tin hopi hende di e comunidad latino residenciando tambe ariba Aruba Pero e ta habri pa tur cu kier bini misa e ora ey..Iglesia como Mama tambe ta habri porta pa nan y yamanan bon bini. Parokia di Dakota ya pa basta anja a habri porta pa e cumunidad aki, cual a haya su forma di e mihor manera.

Dicon un misa na otro idioma? Pa cuminsa na parokia di Noord tin misa na Ingles, na Dakota na Spanjo cual ta bon bishita y nos tambe tin e posiblidad di ofrece esaki ya cu ambos sacerdote cu ta aki ta domina e idioma spanjo.Na mes tempo y prome cu tur cos e Palabra di Dios mester ta anima nos pa habri porta pa tu hende di bon boluntad y na cada hende cu nos atende, ta Hesus mes nos ta atende.Nos ta lesa den Mateo 25, 35. 43 “Mi tawata extranhero boso a ricibimi”. Y Papa Francisco den su hornada mundial di refugiadonan y Migrantenan ta bisa nos “ Cu cada forastero of extranhero cu yama na nos porta ta un ocashon di un topamento cu Hesu-Cristo mes cu ta identifica su mes den e hende, sea cu e ta keda ricibi of rechaza.Na cada hende cu ta bandona su patria pa un mihor situashon di bida, Senjor mes ta confie na e amor maternal di Iglesia y finalmente tambe ta un gran responsabilidad di Iglesia pa e comparti cu tur hende di bon boluntad sin mira di unda e ta bini.

Den mes un rosea Pastoor Jairo y Pader Jose ta participa cu nos parokia awor despues di tres anja cu nan t,Ey ta conta cu un Conseho Pastoral Parokia solido, cual nan ta apoyando di forma incondicional y tur decishonan ta ser consulta cu nan tambe, pa asina e Parokia aki ta bira un cu ta habri pa tur hende.

Related posts

Toque de Queda ta keda prolonga te cu dia 7 di Januari.

EA News Author

Informacion importante Pa biaheronan residente di Aruba

EA News Author

Vuelo humanitario pa hiba Venezolanonan cas

EA News Author

Leave a Comment