PoliticaFeatured

Partido MEP: Contrario na gobierno di AVP, Gobierno di MEP ta goberna na forma responsabel, teniendo cuenta cu futuro generacionnan

Aruba Ta Recupera

Partido MEP un biaha mas ta tuma nota di e desesperacion di Lider di AVP cu rato rato ta saca cabes for di bou tera pa hala rosea y cu esey tambe afecta su senti mas ainda. Señor Eman tin e pudor di manda un comunicado refiriendo cu nos Lider di Partido MEP, señora Evelyn Wever-Croes ta lidera un gobernacion sin curason, celebro y alma.

Partido MEP ta recorda señor Eman cu na e momento cu Lider di MEP a tuma over nos pais na 2017, nos pais tawata den crisis ocaciona pa señor Mike Eman. Nos pais tawata tin un debe cu a redobla. Pobresa a wordo cria durante gobernacion di Mike Eman door di mal maneho di placa y corupcion na gran escala hasta cu investigacionnan penal di ministernan den funcion durante Gabinete Eman. Esaki ta loke nos ta yama goberna un pais sin curason, celebro y alma na unda cu e unico interes di e Partido y mente berde tawata pa fia 2.4 biyon di florin pa hinca den saco di politiconan corupto. 

“Mi Gobierno, loke nos a haci ta, ta lora manga y cuminsa traha mesora pa pone orden den tur e desorden financiero cu Mike Eman a ocasiona na unda cu Eman a crea deficittnan financiero gigantesco pa nos pais, prestando 2.4 biyon florin pa hinca den saco di politiconan corupto di AVP. Gabinete Wever-Croes ya tempran durante su gobernacion a traha y a logra elimina e deficitnan di nos pais pa asina Aruba por paga su propio gastonan y para riba su propio pia manera un pais responsabel ta haci”, Lider di MEP, señora Evelyn Wever-Croes a reaciona riba loke señor Eman a bisa den su comunicado. 

Aruba completo sa, cu riba e mal maneho financiero di Mike Eman, a bin e pandemia devastador cu ta parce lo a pasa Mike Eman voorbij. Un pandema cu a causa un problema financiero grandi pa nos pais. Pais Aruba mester a presta 916 miyon florin pa scapa bida di ciudadanonan, pa ciudadanonan mantene nan trabou, pa duna e sosten financiero na mama y tata di famia cu a perde trabou, pa duna sosten financiero na companianan chikito y pa yuda esnan cu no tawata tin cuminda pa cria nan famia. Tur esaki a causa un debe di 916 miyon florin.

Awor aki, nos como un gobierno responsabel, Gabinete Wever-Croes ta buscando tur forma pa soluciona tanto e debe aki di 916 miyon florin como tambe e debe di 2.4 biyon florin cu Mike Eman, sin curason, celebro y alma, a ocasiona nos pais. Esaki ta 2400 miyon florin y ora compara 2400 miyon florin cu 916 miyon, di leu bo ta mira cu un tawata un maneho iresponsabel di Mike Eman y AVP pa enrikese nan mesun saco. Mientras e maneho di Gabinete Wever-Croes tawata un maneho responsabel pa yuda nos pueblo durante un periodo cu economia a paralisa mundialmente door di e pandemia.  

“Contrario na gobierno di AVP, Gobierno di MEP ta goberna na forma responsabel, teniendo cuenta cu futuro generacionnan. Ora cu un gobierno goberna cu interes di bo futuro generacionnan na pecho y elimina debe pa nan no mester carga e debe aki, bo ta goberna cu curason, celebro y alma”, Lider di MEP, señora Evelyn Wever-Croes a expresa.

Comunicado Partido MEP

Related posts

Boneiru ta selebrá Dia Internashonal di Buseo pa Hende Muhé

EA News Author

Durante reunion di Nacionnan Uni na New York Prome Minister a informa di trabounan cu Aruba ta realisando den cuadro di igualdad di genero den educacion

EA News Author

Trahando hunto y mira kico nos tin den comun lo benificia idioma papiamento

EA News Author

1 comment

Leave a Comment

Whatsapp Message