Relashoná ku trabounan di renobashon na e parti di betòn di e pisina flotante na Parke Tului, temporalmente no por usa esaki for di djasabra 10 di febrüari 2024. Ku komienso di e trabounan akí ta hasi un inisio na e di 2 fase di e proyekto di renobashon pa Parke Tului i bisindario. Dia 24 di febrüari e Kampionato Habrí di Boneiru ta tuma lugá den e pisina ku e parti di betòn akí renobá. Despues di e kampionato akí e pisina lo ta aksesibel atrobe pa uso general.
Pisina flotante na Parke Tului temporalmente no ta aksesibel for di 10 di febrüari 2024
