LocalFeatured

Prome Minister Evelyn Wever-Croes: Gobierno di Aruba, trahando semper na bienestar di nos muchanan

Scol Soeur Juliette

Scol Soeur Juliette a habri aña escolar cu 38 airco nobo

Aruba por a tuma nota, via un conferencia di prensa di Gobierno, cu e proyecto tan anhela di instala airco na Scol Soeur Juliette a wordo finalisa. Tabata na Juni 2022, cu Prome Minister Evelyn Wever-Croes hunto cu Minister di Enseñansa Endy Croes a bishita e scol, y a haci un promesa, di haci tur loke ta na nan alacanse pa logra cu e scol aki por haya su airconan. Esaki sigur no tabata un trabou facil, pero cu dedicacion y positivismo, awe a logra cu e docentenan y muchanan por a habri un aña escolar nobo cu airco den nan klas, 

Prome Minister a expresa di ta sumamente contento cu un biaha mas, Gobierno por a yuda cumpli soño di un scol. Esaki sigur ta un momento di hopi emocion pa e docentenan y muchanan, ya cu pa hopi aña, nan mester a duna y tuma les den klasnan cu tabata hopi calor. Especialmente ultimo tempo cu e clima a cambia y e calor ta inmenso. Despues di hopi espera y retonan, awe e scol ta goza di 38 airco nobo cu a wordo instala pa asina alivia e calor, y haci e ambiente den klas uno hopi mas agradabel. 

Premier Wever-Croes ta gradici na prome luga, Minister Endy Croes pa su gran esfuerso y dedicacion na bienestar di enseñansa. Tambe na cabesante saliente Sra. Joselyne Oduber – Jacobs cu tabata e motor tras di e proyecto aki, y tur e docentenan y alumnonann pa nan pasenshi pa cu proyecto aki por a keda cla. E ta Gabinete Wever-Croes II su compromiso pa traha na bienestar di nos muchanan, y nos maestronan, cu ta e motor pa guia nos yiunan pa mayan nan tin un miho futuro. “Mi ta sumamente agradeci na tur esnan cu a haci e soño aki posibel. Mi ta desea e muchanan, maestronan y e cabesante nobo sra. Nathalie Chung hopi exito pa cu e aña escolar 2023-2024” Prome Minister a expresa.  

Comunicado Prome Minister Evelyn Wever-Croes

Gobierno Di Aruba Trahando Semper Na Bienestar Di Nos MuchananScol Soeur Juliette 1

Related posts

Prome Minister Evelyn Wever – Croes: CAFT a mustra disponibilidad pa traha hunto pa soluciona retonan den comunidad

EA News Author

Rubiella Toppenberg trahado preventivo na FADA: Banda di Depresion, Schizofrenia y Bipolar ta tres aspecto cu ta hunga un rol bao di nos muchanan

EA News Author

E siman aki tur automobilista cu tin plachi di number A-1 te cu A-6000 por busca nan plachi na Departamento di Impuesto

EA News Author

Leave a Comment

Whatsapp Message