Den e debate publico tocante e maneho di e politico Mike de Meza y su conseheronan, e politico critico Ryçond Santos do Nascimento a lanta a funda un analisis detaya riba con e caso aki ta wordo maneha den comunidad.
Segun Santos do Nascimento, hopi hende ta purba di acusa e director di DIMP, pero den realidad e ambtenaar a simplemente haci su trabou corectamente. E ta enfatisa cu ta trata di un obligacion pa ley. E ta splica cu den e strategia rond di e caso aki, tin un intento pa manipula percepcion político y move e pensamento di comunidad.
Pero locual ta mas importante, segun Santos do Nascimento, ta e aspecto legal relaciona cu belastingdienst y e Ministerio Público. Ora cu Belastingdienst ta topa un infraccion di artículo 68 di e Landsverordening op de inkomstenbelasting, nan tin e obligacion estricto pa meld esaki.
Si un ambtenaar encarga cu belasting y ariba tereno di belasting topa cu un infraccion cu ta contene un castigo di prison, e tin e obligacion legal pa meld esaki na e Ministerio Público como un hefe, conforme e Código Penal. Si nan no haci esaki, e ambtenaar mes ta comete un infraccion. Maske cu screening ta un proceso cu ta triga investigacion, ora cu e investigacion ey topa cu un infraccion di articulo 68, e obligacion di meld ta keda vigente sin excepcion.