Bridgetown, Barbados – 3 di Juni 2025 – Ayera e seleccion nacional di Aruba a tuma su entrenamiento oficial na Barbados, preparando pa su wega crucial contra Barbados den e segundo ronda di Eliminatorio di FIFA Copa Mundial 2026 di CONCACAF.
E wega lo tuma luga na Wildey Turf, Barbados, y ta un parti sumamente importante den Group C. Aruba mester gana e wega aki pa tene su posibilidat di pasa pa e siguiente ronda.
Durante e entrenamiento, e team a demostra energia y compromiso, cu un enfoke riba union di grupo y un ehecucion fuerte dia di wega.
E wega ta programa pa awe, 4 di Juni na 5:00 PM AST.
Sostene nos team nacional den e lucha pa un luga den e siguiente ronda na caminda pa FIFA Copa Mundial 2026.
