HulandaFeaturedInternacional

Solamente 54 porshento di votadonan lo vota pa e mesun partido ku nan a vota den 2017pa e elekshon di parlamento na Hulanda

Dutch House Of Representatives

Solamente 54 porshento di votadonan lo vota pa e mesun partido ku nan a vota den 2017 pa e elekshon di parlamento ku lo bai tin aki 2 siman . 20 porshento ta duda ainda pa ken vota y 23 porshento ya kaba a disidi pa kambia pa otro partido.
Di akuerdo ku un estudio di universidat VU den Amsterdam y Kieskompas, guia pa politiko sientifiko Andre Krouwel, NOS ta raporta

Pvv y Sgp tin e sigidonan mas fiel. Vvd tambe a keda ku gran parti di votado di anja 2017
50 Plus, Fvd y PvdD a perde mayoria votado pa konfliktonan y divishonnan den e partidonan loke e estudio ta bisa.

En general e partidonan “rechts” ta atrae mas hende homber, mientras hende muhe hopi biaha ta vota ” links”. D66 ta atrae votadonan eduka despues pega ta sigi PvdA y Groenlinks. Partidonan populista Pvv y Fvd ta ta atrae menos eduka. E estudio ta identifika 3 ” campo di batalla elektoral” pa kua e partidonan politiko tin ku bringa pe.

E prome y mas obvio ta esun ” ultra rechts” kaminda Pvv y Fvd ta batallando pa votadonan.
E votadonan pa e partidonan aki lo ta mas tantu hende homber hende muhe y ku un averahe di esnan menos eduka. Personanan ku ainda ta vota Fvd, asta despues di konflikto ku a guia na un exodo di miembronan, ta generalmente jong, kaminda Pvv mayoria bes ta atrae e generashon mas di edad

Vvd y Cda ta kompeti pa e di dos grupo grandi elektoral e grupo aki ta konsisti predominantemente di personanan di edad medio tin biaha mas maskulino y ku edukashon medio. E grupo di e votadonan aki ta mas pendiente tokante economia, seguridat y libertad demokratiko

E di 3 grupo elektoral ta esnan ku un tendensia “links” kaminda speshalmente PvdA y Groenlinks ta kompeti pa voto. E votadonan ta pega na temanan manera klima, seguridat sosial, edukashon, arte, kultura y Europa. E votadonan di e grupo aki mayoria ta jong, edukashon haltu y predominantemente femenina. Votadonan femenina ta prefera Groenlinks mayoria biaha y votadonan maskulino PvdA

“Ta absurdo ku politikonan rechts ta den media asina tantu paso votadonan rechts ta mas desidido ku esnan links” segum Krouwel dem su entrevista. “E duda mei mei di e votadonan links ta primordialmente paso nan ta mira ku links no por hanja un mayoria, pesei nan ta wak ken por pinta e sigiente kabinete den un direkshon links i e ora ei PvdA tin un miho chens kompara ku GroenLinks. Pesei e simannan binidero aki ta krusial pa Lilianne Ploumen pa prueba ku tin un chens pa ta parti di e kabinete nobo.

Dutch House Of Representatives

Related posts

Ta papiando posiblemente pa un reapertura gradual cu Venezuela

EA News Author

LATAM Airlines Group ta anuncia vuelo non-stop entre Aruba y Lima

EA News Author

KVK ta confirma cu comercio por keda habri dia di rey y dia di asuncion

EA News Author

Leave a Comment

Whatsapp Message