BonaireFeaturedInternacional

Special Olympics Boneiru ta kontentu ku primisia di Special Olympics Kingdom Games

Special Olympics Boneiru Ta Kontentu Ku Primisia Di Special Olympics Kingdom Games

Special Olympics Boneiru ta kontentu ku na luna di novèmber Boneiru ta anfitrion pa e promé Special Olympics Kingdom Games. E weganan ta tuma lugá dia 4 i 5 di novèmber di e aña akí. Atletanan for di e anterior Antia Hulandes ta kompetí ku otro den futbòl, atletismo, bocce, beisbòl 5, bich vólibòl i landamentu. Bintiseis atleta boneriano ta partisipá na e weganan i mas òf ménos 100 atleta di e otro islanan.

“Den pasado via Special Olympics Boneiru,  atletanan ku un limitashon a partisipá na kompetensianan den eksterior. E aña akí mes tabatin un grupo di atleta na Berlin pa Special Olympics World Games. E atletanan ku no por a bai den eksterior, ta haña e oportunidat awor pa kompetí ku atletanan for di e otro islanan.” Asina Rolanda Hellburg-Makaar, presidente di Special Olympics Boneiru a deklará. 

Na Special Olympics Kingdom Games e meta ta pa atletanan ku un limitashon topa ku otro. E idea ta pa e enkuentronan akí kondusí na fraternisashon. Na promé lugá no ta bai pa e kompetensia, pero pa hasi deporte huntu ku otro. A bini ku Special Olympics Kingdom Games pa mustra ku atletanan ku un limitashon ta forma parti di nos komunidat.

E deportistanan for di e otro islanan ta yega Boneiru dia 2 di novèmber. Dia 4 di novèmber tin apertura festivo di e weganan na Plaza Wilhelmina. Einan tambe ta tene e kareda tradishonal ku e antorcha ku kandela. Na Plaza Wilhelmina tin entretenimentu pa públiko i e atletanan.

Durante e weganan ta tene un Friends and Family Forum. E partisipantenan na e foro ta papia ku otro tokante kon importante deporte ta pa nos komunidat. Nan ta papia tambe tokante e nesesidat pa atletanan ku un limitashon ta partisipá na i ta konta den komunidat. Durante e weganan, Bon Bida ta ofresé un programa di Healthy Athletes. Esaki ta enfoká riba oumento di bienestar i mehorashon di salú di e atletanan. 

Special Olympics Bonaire, Special Olympics International, Indebon,  Thinc ahead,  Bon Bida, Hòfi Kultural, TCB i ministerio di Salubridat Públiko, Bienestar i Deporte ta hasi e weganan posibel.


Dato di kontakto pa prensa, no pa publikashon

*Pa mas informashon tokante e weganan, mail Special Olympics Bonaire na na sobonaire@gmail.com

*Pa mas informashon tokante ròl di Indebon den e weganan, mail sharifa.sedney@bonairegov.com

Related posts

Inscripcion pa e estudio pa maestro di Enseñansa Primario ta cera dia 12 di februari 2021

EA News Author

Ta prolongá periodo di aplikashon pa NOW i TBZO pa luna di novèmber & desèmber.

EA News Author

KvK ta conseha pa extende e orario di cera

EA News Author

Leave a Comment

Whatsapp Message