Tourism Corporation Bonaire (TCB) huntu ku Plataforma Rincon ta
bai organisá e di dos Bario Festival. E evento ta tuma lugá riba djasabra 7 di mei 2022 na Rincon
riba Plenchi Carmen Goeleo den kurá di Cocari for di 5 or di atardi pa 10 or di anochi den un
tremendo ambiente ku e tema ‘Nos tradishon’.
E programa lo ta kargá ku músika i lo tin vários stènt ku ta bende kuminda i kos di boka dushi. E
agrupashonnan musikal Foyan Boys i Grupo Kariño lo ta presente pa animá e anochi aki.
Pa duna e Bario Festival un toke mas atraktivo den e parti di shou lo tin presentashon di
Cultureel Dansgroep Mangazina di Rei, Grupo Ayó Mundu, Grupo Talento Kultural, Grupo di
baile Zoya ku Nos i DJ Geffy.
Nos kier a ekstendé un invitashon na pueblo di Boneiru i tambe na tur nos bishitantenan pa bin
pasa un ratu ameno huntu ku nos riba djasabra 7 di mei den e di dos edishon di Bario Festival
ku ta tuma lugá na Rincon riba Plenchi Carmen Goeleo den kurá di Cocari.