Tourism Corporation Bonaire (TCB) huntu ku Wedoe a organisá su promé Bario Festival. E evento a tuma lugá riba djasabra 2 di aprel 2022 na Plaza Chiku Goeloe.
E promé Bario Festival tabata un éksito. E evento tabata bon bishitá di parti di tantu nos poblashon lokal komo nos bishitantenan. E anochi tabata yená ku músika i talentonan hóben i stènt ku platonan krioyo, kos di bebe i bolo. E grupo musikal Formashon Musikal Krioyo a duna e anochi un toke musikal huntu ku un presentashon spesial di e artista invitá Luis Moka.
Nos gradisimentu ta bai na tur partner ku a koperá ku e promé Bario Festival, spesialmente e organisashon Wedoe, MCB, Selibon i TUI.
No lubidá di nota e siguiente Bario Festival ku ta tuma lugá dia 7 di mei 2022 na Rincon den bo agènda.
