FeaturedLocal

Ultimo fase pa elimina e recorte di 12,6% ariba salario di e empleadonan publico ta den proceso manera palabra

Sindicatonan

Departamento di recurso Humano a bin ta informa tur loke ta e pasonan cu ta bay tin, sinembargo por a tuma nota cu sindicatonan kier tur cos di golpi y no paso pa paso. Aki e relato di dia 20 di januari 2023 cu ta duna un splicacion riba preparacionnan encuanto eliminacion di recorte ariba salario di empleadonan publico.

Preparacionnan encuanto eliminacion completo di e recorte ariba salario di empleadonan publico. Gobierno di Aruba ta den e ultimo fase pa por logra elimina e recorte di 12,6% ariba e salario di e empleadonan publico. Anticipando ariba e decision dí Conseho di Minister di Reino, Gobierno a cuminsa haci e preparacionnan necesario pa por

elimina e recorte completamente. Manera ta conoci, e tarifa di loonbelasting y

inkomstenbelasting tambe a wordo ahusta entrante 1 januari 2023.Ambos cambio

lo wordo refleha pa prome biaha den e pago di e salario di januari 2023.

Pa e motibo aki Gobierno a traha e comunicado aki pa informa su

empleadonan cu e cambionan lo afecta nan salario netto y pa splica dicon e lo

afecta nan salario netto.

 

E salario netto ta e salario total kitando tur e primanan social (AZV y AOV/AWW),

loonbelasting y otro deduccionnan aplicabel. Mas facil splica, e salario netto ta

locual e empleado publico ta ricibi ariba su cuenta di banco.

 

Anticipando eliminacion completo di e recorte ariba salario entrante 1 januari

2023 Manera ta conoci, entrante 1 juli 2022 Gobierno a elimina un parti (5%) di e recorte di12,6% ariba e salario di empleadonan publico. E eliminacion di e recorte aki a causa cu e salario bruto di tur empleado publico a wordo ahusta.

Locual no a wordo elimina den 2022 ta e recortenan ariba e vakantie-uitkering, e toeslag cu ta wordo paga den luna di augustus (reparatietoeslag) y tampoco esun cu ta wordo paga den luna di november (najaarstoeslag). Manera menciona anteriormente, Gobierno ta den e fase final di por logra elimina e recortenan aki entrante 1 januari i 2023.

 

Unabes cu esakinan wordo elimina, e empleadonan publico lo cobra nan vakantie-uitkering, reparatietoeslag y najaarstoeslag completo. Anticipando ariba e eliminacion completo di e recorte ariba salario, Gobierno a cuminsa ahusta e reservacion di e vakantie-uitkering, reparatietoeslag y najaarstoeslag den e luna di januari 2023.

 

Related posts

IMF y Banco Mundial ta keda yuda Aruba cu asistencia tecnico pa recupera di e pandemia

EA News Author

Tourism Corporation Bonaire a rekonosé 17 wéspet komo embahador di Boneiru

EA News Author

Resumen di casonan di covid-19 na Aruba pa awe.

EA News Author

Leave a Comment

Whatsapp Message