– Water -en Energie Bedrijf Bonaire Bonaire (WEB) ta informá ku trabounan pa renovashon di liñanan
di awa di irigashon (Proyekto 9e EDF ) lo sigui den Kaya Grandi den e periodo di 15 di febrüari pa 1 di aprel.
Durante parti di e periodo aki WEB tambe lo remplasá un sekshon di tubería di awa di bebe den Kaya Grandi. E trabounan di kobamentu pa tur dos proyekto lo tuma lugá den diferente fase. Tur kompania i bibiendanan lo keda aksesibel i e orarionan di trabou lo ser adaptá pa bishitantenan por tin
akseso na e restorantnan. E trabounan Den komienso di yüli 2020, WEB komo supervisor a inisiá e proyekto pa renobá liñanan di awa di irigashon purifiká ku mester transportá bèk pa hotelnan (projekto 9e EDF). 65% di e trabounan di kobamentu pa e proyekto di 9e EDF ta kla i ta bai kontinuá den Kaya Grandi.Na mes
momento ku e trabounan aki ta tumando lugá , e departamento di BU-water di WEB ta bai remplasá un tubería di awa di heru kuminsando for di Banco di Caribe te ku Kaya L.D.Gerharts. .
Fecha : 15 di febrüari – 1 di aprel 2021
Orario di trabou : 6:30 a.m. a 3:00 p.m.
Tur kompania i bibiendanan ta keda aksesibel Pa por ehekutá e trabounan bon i di un manera seif, ta será Kaya Grandi den fase.Tur hanchi lo keda aksesibel pa tráfiko lokal. E asera ta keda aksesibel pa peatonnan i e akseso na tur edifisio i kompanianan lo keda mantené. WEB ta pidi bo koperashon pa lo siguiente:
Tene mas espasio liber posibel dilanti di bo negoshi /òf espasio pa parker durante di trabounan
Kita bo vehíkulo personal/ di trabou na tempu en konekshon ku e trabounan
Tene kuenta ku tempu èkstra pa transporte, karga i deskargá
Protehá bo porta i bentananan pa eventual stòf gròf
En konekshon ku e trabounan aki ta posibel ku kompanianan i abitantenan por eksperensiá stòf i zonido duru temporalmente. E kontratista Bonairiaanse Wegenbouw Maatschappij (BWM) ta traha kontinuamente pa redusí e molèster den e área. E tim di proyekto 9e EDF ku WEB komo supervisor lo hasi su máksimo
esfuerso pa kaba e trabounan den e tempu stipulá i evitá kualke
inkombeniensia.
