Parlamentario pa fraccion di MEP y ex-minister di Finansas, Xiomara Maduro, a trece dilanti un cuestionamento fuerte relaciona cu e tensionnan financiero entre Aruba y Hulanda. Segun Maduro, e decision di Hulanda pa impone un “strafrente” di 6.9% no tin un base husto, considerando e trayectoria impecabel di cumplimento di e isla.sinembargo sin cu Aruba tin un HOFA na e momentonan aki , yap or mira e practica di Hulanda cu kier keda impone y kier poder riba Aruba y a pone un strafrente tog. Nos por imagina nos mes ora HOFA keda acepta ? kico lo pasa realmente cu e poder nan?
Un trayectoria di cumplimento
Durante su intervencion, Maduro a subraya cu e nucleo di e discusion den Parlamento mester ta e falta di necesidad pa un supervision mas stret, siendo cu Aruba ya tin esaki desde 2015. El a recorda cu prome cu e pandemia, e debe cu Hulanda tabata minimo, rond di 2.5 miyon Euro.
“Aruba semper a cumpli cu su obligacionnan, no solamente cu Hulanda, sino tambe riba mercado internacional di capital pa mas di 20 aña,” Maduro a declara. Ni durante e crisis di pandemia e isla a faya den su pagonan na inversionistanan internacional.
E impacto di e “strafrente”
E parlamentario a cuestiona e “miedo” cu Hulanda ta pretende di tin cu Aruba lo no paga su debenan bek. El a califica e interes di 6.9% como un castigo financiero innecesario. Segun calculonan presenta, e tasa di interes halto aki ta nifica cu Hulanda ta ganando rond di 300 miyon Florin riba lomba di e pueblo di Aruba.
Debe di Pandemia:
Aruba tin un debe di 915 miyon Florin cu Hulanda debi na e fiansanan durante e crisis sanitario.
Credibilidad Internacional: Aruba tin un record di mas di dos decada cumpliendo cu pagonan na mercadonan manera esun di Merca.
Pago Proximo: Dia 10 di october proximo, Aruba mester bolbe realisa e pago di e interes halto aki, loke ta confirma e boluntad di cumplimento di e pais.
Pa Parlamentario Maduro, e argumento di Hulanda pa mantene condicionnan financiero structuralmente pisa no ta cuadra cu e realidad historico di Aruba como un pagador responsabel. Pero tampoco no ta cuadra loke cu nos statuto ta uni nos y cu Hulanda ta vocifera cada biaha cu nos mester traha hunto. Un cos ta bisa algo y e otro ta haci loke ta bisa.
Xiomara Maduro: “Aruba no tin historia di ta un mal pagado” pero asina mes Hulanda a duna strafrente
