Ayera nochi banda di 7 or e Rescue & Coordination Center (RCC) di Wardakosta a risibi un petishon di Kuerpo di Polis di Kòrsou (KPC) pa yuda buska un hòmber ku a kai den laman na Shut ora e tabata buska karkó huntu ku un otro hòmber.
Mesora a manda e helikòpter di wardakosta na e sitio pa buska e hòmber. E avion di wardakosta , e Dash , tambe tabata na e sitio i a kuminsa ku e bùskeda. A puntra CITRO pa ta standby i e barku Ulandes di marina Zr Ms Groningen, ku aktualmente ta nabegando pa wardakosta, pa tambe yuda buska. Na bahamentu di solo ahinda no a lokalisá e hòmber. Wardakosta i KPC lo sigi ku e bùskeda awe mainta tempran.