Prome Minister Evelyn Wever Croes a keda yama den parlamento hunto cu e profesionalnan cu ta traha riba e negociacionnan cu Hulanda riba Rijkswet. Parlamentario Hendrik Tevreden ta duna di conoce parlamento 11 di fraccion di MEP a logra di cambia e prome Rijkswet CHE cu a cambia esaki pa COHO, Segun Parlamentario Hendrick e cambio di CHE pa CHO tin su motibo.
Den e proceso di Rijkswet CHE y COHO gobierno di Aruba a logra un logro hopi grandi di baha esaki for di mesa. Dicon e cambio aki ta debi cu e preguntanan cu a keda manda di parti di parlamento di Aruba den e caso aki fraccion di MEP cu a dirigi e preguntanan aki na Hulanda, te cu awe Tweede Kamer na Hulanda no por a contesta Aruba riba e preguntanan aki y Hulanda no a manda contesta Aruba tampoco. Esaki a pone cu
Segun Parlamentario Hendrik Tevreden e cambio aki a bin debi cu Hulanda kier bin implementa deseonan di ordo riba Aruba , pero te na e momentonan aki ainda Hulanda no por contesta Aruba dicon tur e presionnan aki pa Aruba. Ainda Aruba ta warda contesta riba nan preguntanan. Esaki ta e motibo cu Tweede Kamer na Hulanda a haya su mes ta bolter e Rijkswet y bahe for di mesa y despues a bini COHO y e landspakket cu Aruba ta trahando cu ne.
Sinembargo e intento di Hulanda no a logra y esey a haci cu Aruba a sigui pa cu e di dos intento pa cu e Rijkswet cu ta esun cu ta riba mesa actualmente. E tempo ey parlamento 11 di e tempo ey a bisa cu tur e normanan cu ta den e Rijkswet e Parlamento 11 a tuma e decision di pasa un ley den parlamento unda cu ta obliga cualkier gobierno cu bin pa mantene su mes na e normanan cu ta den Rijkswet. Loke cu Hulanda mester tin mas claridad riba dje ta cu ta parlamento di Aruba ta controla gobierno di Aruba y no parlamento di Hulanda ta controla gobierno di Aruba.
Segun parlamentario Hendrik Tevreden parlamento nr 11 a pasa e ley den parlamento y e la keda aproba. Pais Aruba tin un LAFT cu tur e normen nan aki y esaki ta e trabounan cu a bin ta haci den parlamento y na unda cu ta mira e resultadonan tambe unda cu Aruba tin surplus di parti di gobierno unda cu tin un maneho serio cu ta tuma luga. Tambe por mira cu e direccion cu Pais Aruba ta cana y crece ta mehoracion den e parti di finansas. Pesey Parlamento 11 a pasa ley cu ta obliga cualkier gobierno cu sinta pa mantene su mes na e normanan den Rijkswet pa garantisa cumplimento cu Hulanda y pa Aruba no haya su mes den un situacion mane den pasado.