A entrega y presenta proyecto final den cuadro di aporta na maneho deportivo
Despues di un aña di traha riba e proyecto ademas di atende diferente modulo presencial pa asina por sigi lesnan di profesionalnnan den e ramo di maneho deportivo, Jonathan Wever ta exitosamente termina e curso MEMOS (Executive Masters in Sport Organisation Management) edicion number 10 na spaño. Pa por a logra termina e curso aki, a traha un tesis na idioma di spaño cu tin como titulo “Fortaleciendo el Deporte de Aruba: Una Plantilla Estratégica para Federaciones Nacionales”. Unabes a entrega esaki, a presenta e proyecto dilanti un tribunal di profesornan di e curso, unda a ricibi noticia positivo di a keda aproba. Finalmente,a presenta e proyecto dilanti un publico di tur participante, profesor y miembronan di Solidaridad Olimpica na Museo Olimpico cu ta situa na cede di Comite Olimpico Internacional, Lausanne-Suisa.
Den presencia di tur otro participante y profesor, tutor Manolo Pastrana di Comite Olimpico de España (COE), Pere Miró y e ekipo di Solidaridad Olimpico, a haci entrega di e certificado final. Comite Olimpico Arubano (COA) ta felicita Jonathan cu e logro aki, cu sigur lo wordo hiba den practica pa asina por aporta na bienester di deporte na Aruba. #TEAMARU
Press release: Comite Olimpico Arubano
