Hulanda a reafirma su compromiso di duna sosten pa Aruba den cualke scenario cu por surgi na marco di e tension entre Venezuela y Merca. Sinembargo, durante e mesun discusion na Tweede Kamer, tabata bon cla cu Reino Hulandes no ta parti den e conflicto y cu ta tuma luga den asunto bilateral entre es dos pais.
Lider di fraccion di PPA, Eduard Pieters, a splica cu Hulanda a duna mas informacion cu habitual na Aruba tocante e desaroyonan na frontera Venezolano- Mericano, incluso detaye tocante e posibel scenarionan den cual instituto Hulandes lo por mester sali na defensa di islanan Caribeño. Aunke esakinan ta parti di un plan di preparacion, Pieters a resalta cu Hulanda mes a pone bon cla cu e disputa entre Venezuela y Merca no ta un asunto di Reino, y pa e mesun motibo no ta tuma un rol den conflicto.
Hulanda ta keda alerta, pero ta sigui mantene e linea diplomatico cu e situacion no ta un responsabilidad formal pa Reino Hulandes, aunke proteccion di su teritorio Caribeño semper ta garantisa.