Diabierna ultimo, den Parlamento, a tuma luga un reunion publico cu diripiente a keda cambia pa un encuentro publico. E oposicion den Parlamento no a keda contento cu e cambio aki, ya cu esaki no ta permiti e exigencia di cambionan relaciona cu e desaroyo di e medio ambiente y e situacion di e comerciantenan di ATV y UTV.
Lider di fraccion di PPA, Eduard Pieter, cu un tono rabia, a splica e diferencia entre un reunion publico y un encuentro publico. E ta enfatisa cu un encuentro publico ta limita e tempo pa debati riba temanan delicado y esencial pa pais Aruba. Segun e parlamentario, e democracia den e forma di traha di e gobierno actual ta preocupante.
Segun e parlamentario, PPA ta promove un plan pa Aruba 2050, cu ta busca un balansa entre naturalesa y economia. Pieter a critica e gobierno pa tuma decisionnan unilateral, cu e ta considera strategico, y cu ta afecta e comerciantenan local cu ta opera cu ATV y UTV. Segun e parlamentario, hopi di e comerciantenan aki ta sinti nan mes desampara y cu ta dificil pa nan sigui opera.
Finalisando, Pieter a cuestiona e proyecto di un hotel cu tin e area como obhetivo, puntrando si tin un hotel proyecta y kico ta e evaluacion real. E parlamentario ta mantene cu, aunke e ta para pa e naturalesa, e ta enfatisa e impacto cu e decisionnan aki tin riba e famianan cu ta depende di e trabou aki pa nan entrada.
