Diasabra 26 di september na Linear Park
Aruba One Happy Island Lions Club ta invita tur miembro di comunidad pa participa den “Walk & Zumba for a Cause”, un atardidi salud, movimiento y servicio comunitario, cu lo tuma lugar riba Diasabra, 25 di september 2026, di 5:00 p.m. te 7:30 p.m., na Linear Park, Aruba.
E actividad ta habri pa henter comunidad, sin importa edad of nivel di condicion fisico. E obhetivo principal ta promove un estilo di bida mas saludabel mientras cu e participantenan ta contribui na e proyectonan di servicio comunitario di Aruba One Happy Island Lions Club.
Durante e evento, e participantenan lo disfruta di:
Caminata recreativo.
Sesion energetico di Zumba.
Goody Bag pa tur participante.
Fruta y awa.
Premionan atractivo.
Un ambiente di amistad, union y servicio.
Cu un contribucion di Afl. 25,-, cada participante lo ta apoyando e diferente proyectonan humanitario y comunitario cu Aruba One Happy Island Lions Club ta desaroya pa beneficia nos comunidad.
Pa mas informacion y Inscripcion por haci via:
WhatsApp: 568-0829 / 565-8980
Inbox nos na nos Facebook: Aruba One Happy Island Lions Club
Aruba One Happy Island Lions Club ta invita famianan, amigonan, grupo di trabou, clubnan deportivo y tur persona cu desea pasa un atardi agradable y contribui na un bon causa.
Move hunto. Biba mas saludabel. Haci un diferencia.
Aruba One Happy Island Lions Club
We Serve
