Parlamento lo atende awe mainta e presupuesto pa e Fondo General di Inversion y Desaroyo, un ley cu ya a wordo aproba y cu lo cuminsa traduci e recursonan den Inversionnan concreto pa e pueblo.Segun Ruthlyn Lindor, Lider di Fraccion di FUTURO
E structura financiero di e fondo aki ta inclui:
- Un prome asignacion di aproximadamente 33 miyon florin.
- Incrementonan posterior pa medio di e Prome y di Dos Presupuesto Supletorio (Eerste y Tweede Suppletoire Begroting), te pa yega na un total di 59 miyon florin.
Inversionnan Clave Planifica:
Educacion: Renobacion di scol Reina Beatrix y construccion di dos klas nobo na SGVA pa muchanan cu reto den nan desaroyo intelectual.
Desaroyo Regional: Construccion di e MFA na San Nicolas (3.1 miyon florin).
Infrastructura: Drechamento y mantencion di e red di careteranan (9.2 miyon florin).
Siguridad y Servicio Publico: Asignacion pa Maritiem Politie, mehoracion di ekipahe di DOW y continuacion di e digitalisacion di e-Government pa haci e servicionan di Gobierno mas eficiente.
Eficiencia den e Trabou Parlamentario y Control
En cuanto e proceso presupuestario, e mehoracion den e presentacion di e documentonan (caminda no ta manda ‘ordners’ separa pa cada ministerio, sino un overzicht completo cu e breakdown detayado) ta permiti un trabou mas eficiente y efectivo pa e profesionalnan di Directie Financiën y e Parlamentarionan.
E mecanismo di evaluacion na cada Presupuesto Supletorio ta garantisa cu Parlamento tin e hermentnan adecua pa monitor, evalua y controla e uzo corecto di cada florin inverti pa pueblo.
“Nos mester di empatia y comprension pa sana como sociedad, mientras nos ta inverti den hermentnan concreto pa e educacion, e infrastructura y e futuro di nos muchanan.”