Diamars a habri cu e noticia cu autoridadnan a tira un inval na tres cas na Aruba. Tur esaki ta liga na personanan cu a forma parti di Gabinete Weve Croes 1.
Ta trata di cas di exminister Chris Romero(MEP), na Savaneta, y exminister Edison Briesen (MEP) na San Nicolas. Banda di esaki tambe a bay na cas di un di e principal conseheronan di Romero e tempo ey den Gabinete Wever Croes I, esta Eumar Koolman, na su cas na Butucu. E ultimo eleccion Eumar Koolman tabata campañado di Marisol Lopez Tromp (MAS).
Tur esaki tin di haber cu contractonan di servicio cu e exmandatario di MEP a otorga ora cu e tabata minister.
Segun informacionnan ricibi, e caso aki por tin un rabo largo unda mas hende lo por cay y mas investigacion pa inicia riba e mesun area aki. Entre otro hendenan cu ta wordo paga sin cu nan tabata traha realmente. Pero tambe a por bay riba e contractonan cu mas exminister a yega di otorga na famianan cerca.
Press Realease Ministerio Publico:
Caso Kwihi
Awe a tuma lugar huiszoekingnan bao guia di huez-comisario relaciona cu un investigacion di algun
contrato di servicio cera dor di C.V.J. Romero den su funcion di minister e tempo ey. E zoekingnan a
tuma lugar na cuatro adres. Ta trata un investigacion di Landsrecherche.
Na e cuatro adresnan a tuma entre otro, portadornan di informacion y administracion den beslag.