E comision cu ta encarga voluntariamente pa busca derecho di pensionsdonan bibà na Aruba cu ta ricibi AOV di Corsou a tuma nota di un publicacion den Diario daluna ultimo riba pagina 3 . Pa duna un tiki mas informacion e comision kier informa lo siguiente.
Recientemente e pensionadonan cuta ricibi AOV di Corsoua entrega via nan abogado mr. David Kock, un asina jama “verklaring voor recht” na Corte di Corsou.E motibo ta e recorte di 10% den nan pensioen y e gratificacion di luna di december,desde aña 2017.
E peticion aki a bini den corte dia 25 di maart ultimo. Abogadonan di pais Corsou den representacion di SVB a pidi Corte pa wanta e caso pa un contesta.
Dia 29 di april e caso a bai pa un contesta. Pero dia 29 di april e abogadonan a pidi uitstel te dia 27 di mei.
Dia 27 di mei e “ conclusie van antwoord” esta e contesta di abogadonan di pais Corsou riba e peticion di e abogado di e pensionadonan a drenta.
Awor ta toca turno na e abogado di e pensionadonan pa contradeci e ponencianan y e contesta di e abogadonan di Corsou. Abogado di pensionadonan tin te dia 24 di juni pa reaccionà.
E caso aki ta bai por escrito y ta tuma su tempo. E comision cu ta encarga cu e caso ta den continuo contacto cu nan abogado. Contrario na loke tin den articulo mencionà no tin ni tabata tin contacto cu ningun minister riba e asunto aki.
Tan pronto cu tin qualkier informaciin riba e caso aki e comision lo sa di informa debidamente.
E comision encarga cu e caso aki kier a gradici tur e pensionadonan cu a aporta pa cubri gastonan cu e caso aki lo trece cune.