PoliticaLocal

Despues Di Status Aparte Ta Nos Propio Politiconan A Duna Nos Pais Nomber Di Ta Un Pais Corupto, Mafioso, Di Fabornan Na Famia Y Amigo Y Especialmente Di Ta Un Aruba Cu Polticonan Miyonario

ORANJESTAD, Aruba

Tur partido a manda carta pa Gobernador, na representante  di Hulanda aki na Aruba y pa Gobierno di Reino pa keha otro di ta corupto, mafioso, abuso di poder etc.

Despues cu un Gobierno sinta e ta hiba keho na OM pa denuncia Gobierno cu a caba di baha. OM ta yena cu kehonan cu despues di Status Aparte a acumula na centenares.

Ironia di tur esaki ta cu pa poder, politiconan ta bai sinta cu e mes un politiconan cu nan a denuncia. Esey nos ta yama falta di respet, dignidad, caracter y di integredad. Transparencia y integridad a bai perdi den nos dushi pais y esaki a ser remplaza pa poder y mas poder. Ariba dje politiconan mes ta yama otro tur dia di Dios pa ladron y di ta corupto.

Señor Emily Elhage ex Prome Ministro di Antiyanan Hulandes a bisa siman pasa pa politiconan stop di instiga pueblo contra Hulanda, mientras cu ta Hulanda ta esun lo yuda nos den e lunanan dificil nos dilanti. Precisamente ta loke cu ta pasando aki na Aruba tambe, na unda Politiconan tur, hasta esnan cu no ta den Gobierno o Parlamento a uni pa baha den un forma vies, vil y sushi contra Hulanda, cu ayudo di diferente otro forzanan bibo di nos pais.

Otro via organisacion politico OPPPAL a denuncia Hulanda na Nacionnan Uni di ta un pais colonisador. Esaki ta bin for di representante di MEP den tal organisacion. Precisamente ex politiconan, pero ainda consehero, kendenan ta boga pa Aruba bira Independiente. Aruba por para ariba su pianan? Na unda nos ta haya placa pa tin un ejercito di 5 mil homber, mas barconan y avionnan di guera cu ta costa biyon y biyon di dollar. Ariba dje un cuerpo diplomatico den henter mundo pa resresenta nos pasaporte cu tambe ta costa miyones y miyones pa aña. KEN TA DESEA DI PERDE NAN PASAPORTE HULANDES?

Ta pesey nos di Movimiento Futuro ta sigui invita hobennan profesional pa join nos den nos lucha pa haci nos isla un isla digno, limpi di mafia y corupcion, pa biba ariba dje. Esnan interesa por manda un e-mail na atanleesr@gmail.com.

Awor mes tin problema den coalicion, ta soporta tur esaki, den un crisis, contal cu keda na poder.

Google ariba internet o facebook busca MOVIMIENTO FUTURO PA UN ARUBA NOBO, PRIMI ARIBA E PALABRANAN AKI BO HAYA INFORMACIONNAN Y MAS ABOW BO POR YENA BO INFORMACIONNAN Y FIRMA CU BO DEDE MES.

Conhuntamente nos lo salba Aruba cu actualmente ta un pais pober, yena cu famianan y muchanan pober. Un cos si cu politiconan miyonario cu a laga Aruba cu un debe di mas di 8 biyon florin.

Den union nos por salba nos pais. Independencia, perdiendo nos pasaporte nunca, un gemeente si.

Movimiento Futuro pa un Aruba nobo.

Related posts

OPINION PUBLICO: Ambtenaar mal educa na DTI falta hopi di siña kico ta Customer service

EA News Author

Movemento ta Bida avansando exitosomente cu nan proyecto

EA News Author

En conexion cu celebracion di Dia di Himno y Bandera: Prome Minister a bishita Scol Basico de Schakel

EA News Author

Leave a Comment

Whatsapp Message