BonaireFeaturedInternacional

Detenshon i entrada hudisial en konekshon ku investigashon di benta di produkto narkótiko

Download 3

Riba e mainta di djárason 24 di febrüari 2021, Koninlijke Marechaussee (KMar), den kolaborashon ku Korps Politie Caribisch Nederland (KPCN) i Duana Hulanda Karibense (Douane CN), a hasi dos entrada hudisial. Durante esaki a detené un sospechoso en konekshon ku un investigashon di benta di produkto narkótiko.

 

E dos entradanan hudisial, un den e bario Antriol i e otro den Bario den Tera, a tuma lugá simultaniamente dor di dos tim. Marechaussee tabatin sufisiente indikashon ku e sospechoso, un hòmber di 45 aña di inisial S.I.L.E., tabata residensiá na un di e adrèsnan konserní. P’esei a listra ámbos kas bou di guia di Ministerio Públiko. Despues di detenshon na Antriol a hiba e sospechoso warda di polis mesora pa interogashon.

 

A listra ámbos kas ku e meta pa haña mas material di prueba den e investigashon ku ta andando. Durante di esaki KMar a konfiská entre otro sèn kèsh i produkto narkótiko. Despues di e entrada hudisial a duna ámbos lokalidat liber na e habitantenan.

Download 3

Related posts

Prome Minister ta gradici Minister Dangui Oduber lo baha gasto di remedi y no mester di “eigen bijdrage” mas

EA News Author

Lider di partido Accion 21 Minguel mansur : A campaña pa un gabinete di unidad nacional cu ta inclui tur partido

EA News Author

Submarino Hulandes ta bishita Curacao

EA News Author

Leave a Comment

Whatsapp Message