Raad van State tabata na Aruba y a haci diferente bishitanan , entre e bishita a sinta cu parlamento di Aruba y cada fraccion. Parlamentario Edgar Vrolijk ta duna di conoce cu Raad van State den su bishita a indica cu e ley di HOFA ta leu pa yega cerca nan y cu practicamente por conclui cu e ley di HOFA ta uno controversial.
Na momento cu un ley ta mishi cu bo constitucion cu ta exigi cu bo landverordering no por ser cambia sin un permiso di Hulanda esaki naturalmente un ley asina ta crea problema y e la crea hopi incertidumbre den Pais Aruba tambe. Esaki sigur ta un punto cu a resalta den e bishita di Raad van State
Sinembargo e predicashi di Minister Gerlien Croes cu a tuma luga dilanti di bestuurskantoor na momento cu a pone e escudo tabata un speech controversial y falso debi cu e mes un minister Gerlien Croes aki ta e persona cu a bay campaña bisa cu e kier un Rijkswet y ta e mes un minister aki ta bringando alma y cuerpo pa Rijkswet bin na vigor, y ta e mes un minister aki a kita minister plenipotenciario na Hulanda pa por defende Aruba den Rijksminister Raad na Hulanda.
Un hipocresia y falsedad di Minister Gerlien Croes cu ta manipula un pueblo cu un escudo papiando di Aruba su status Aparte y ta e mes un Minister aki ta bringa pa kita e status aparte di Aruba y pone Aruba bou di Hulanda , un semi mes un modus operandus tempo cu AVP a pone Aruba bou di Antias 12-8., un falsedad y hipocresia total na e pueblo di Aruba.
Gerlien Croes como e minister cu e departamento di Prome Minister ilegalmente di Relacionnan den Reino, ta e persona cu a bay den minister raad na Hulanda hunto cu Minister Geoffrey Wever e tempo ey unda cu ambos minister a aproba e Wijkswet HOFA y a mande su caminda.
Minister Gerlien Croes y Minister Geoffrey Wever a traiciona e pueblo di Aruba y a pusha e Rijkswet HOFA cu ta mishi cu e constitucion y autonomia di Pais Aruba. Segun parlamentario Edgar Vrolijk e proceso aki a tuma luga sin un motibo valido pa kico Aruba mester di un Rijkswet na e momentonan aki. Sinembargo si berdaderamente e politiconan aki ta duna realse di berdad na 40 aña di nos status aparte haci uzo di nos emblemanan nacional cu ta nos escudo na su color original. Na momento cu un gobierno mes no ta respeta su emblema nacional ta bisa hopi di e mentalidad cu e tin pa su propio pais.
Ta un berguensa cu ta para dilanti di bestuurkantoor papia tur sorto di storia, pero na momento cu drenta paden tur e cartanan oficial di Aruba ta Sali cu escudo tur na berde of fuxcia , ta mustra e falta di respet cu tin na e emblema nacional di Pais Aruba.
Ta gusta hiba show y predicashi nan bunita pero e realidad den practica y para pa bo Pais ta otro, minister di partido FUTURO ta hunga dos cara cu Pueblo di Aruba. Si di berdad Minister Gerlien Croes ta para pa autonomia di Pais Aruba hamas lo ta para pa un Rijkswet HOFA y tampoco no ta perde respet pa e simbolo nacional hungando cu color nan fuxcia y berde pa hala atencion politico.
Sinembargo Minister Gerlien Croes no a cay mucho leu di e palo di e neishi di e partido cu semper a traiciona Aruba y ta entrega Aruba semper “ de apel valt niet ver van de boom”
E neishi for di aña 1951 unda cu Aruba tabata 8-8 na 1949 y despues na 1951 AVP a entrega Aruba 12-8 bek na Corsou bou di e constelacion Antiano unda cu Aruba mester a obedece Corsou te na momento cu libertador Betico Croes a lucha y a logra cambio constitucional y cu Aruba a wordo libera y Aruba a haya su status Aparte y a separa di Corsou. Awe nos ta mira un otro generacion di partido FUTURO cu ta un depandanse di AVP y RAIZ ta sigui den e mes un rumbo di pensamento di entreguista manera partido AVP .