Un reconocimiento especial na e trayectoria di cuatro baluarte di fotografia y periodismo na Aruba.
E exposicion historico y anual di fotografia conoci como “Lens di mi Wowonan” ta tuma luga mañan prome di september, habri entrante 7:00 or di mainta na Biblioteca Nacional na Playa. E evento ta keda habri pa publico di pa dia 30 di september, durante e orario regular di servicio di biblioteca.
Ta invita tur hende, y naturalmente miembronan di prensa, pa bishita e exposicion, anima e lectornan y audiencianan pa acompaña y yuda nos destaca e trabou extraordinario exhibi.
Reconocimento na Cuatro Baluarte Profesional
E aña aki e exposicion ta orguyoso di reconoce cuatro persona kende nan trayectorio profesional ta representa e spirito di e exposicion:
Sr. Erik Buldak: A keda otorga e premio Gispy Franken. E ta dedica su mes na fotografia na Hulanda y a desaroya un carera destaca como fotografo independiente, incluyendo 10 aña na The News. E dia aki e tabata activo den su profesion y ta honra su contribucion duradero na fotografia di Aruba.
Sr. Ury Feliciana: A ricibi e premio Victor Winklaar. Ury a inicia su carera di periodismo den Bon Dia Aruba y a desaroya un trayecto amplio di medio di comunicacion como periodista, fotógrafo, editor di video y diseñador grafico, trahando na TeleAruba y actualmente na Mas Noticia.
Michelangelo Arrens: A ricibi un premio y reconocimento special. E ta un fotografo cu mas di 10 aña di experiencia specialisa den fotografia bou awa y proyectonan creativo, kende ademas generosamente y boluntariamente ta ofrece su talento pa eventonan cultural di henter Aruba y ta participa den e exposicion pa 5 aña consecutivo.
Noël Werleman: Fotógrafo y camarógrafo independiente cu a cubri eventonan nacional y internacional durante hopi aña, colaborando cu TeleAruba y Comité Olímpico Arubano, contribuyendo na promocion di deporte Arubano y nos isla dilanti mundo.
E caranan y historianan tras di e exposicion di e aña aki ta traha pa documenta nos historia, inspira generacionnan futuro y promove Aruba tanto na nivel local como internacional.