FeaturedSocialLocal

Ganadonan di competencia escolar di fotografia – dia di himno y bandera 2024 a ricibi nan premio

2024 Hb Ganado Competencia Fotografia 02

E aña aki Ministerio di Cultura conhuntamente cu Comision Celebracion Dianan Nacional a
organisa varios competencia escolar enconexion cu Celebracion di Dia di Himno y Bandera 2024.
Esaki a resulta un exito cu participacion di un cantidad di alumno di varios scol.
Recientemente Comision Celebracion Dianan Nacional a entrega premio na e ganadonan. Den e
competencia di fotografia pa muchanan di scol basico, e ganado a resulta e hoben Hayzey Arends di
klas 4b di Colegio Conrado Coronel. E potret ganado a wordo describi como lo siguiente:
“Mi Aruba stima, ki orguyoso mi ta di tin bo como mi hogar. Cu orguyo mi ta comparti mi
cas cu hopi bishitante, cu kier bin admira bo beyesa sin igual. Nos beachnan precioso y nos
hendenan caluroso ta haci cu Aruba ta keda e Isla mas gusta y bishita. Na mi Isla e subida y
bahada di solo ta algo fenomenal”.
E ganado den scol preparatorio a resulta e hoben Emmanuel Garcia di Scol Preparatorio Cayena. E
potret ganado a wordo describi como lo siguiente:
“Mi ta sintimi orguyoso di e bunitesa di nos lama color blau scur bunita , cu ta rondona nos
isla. Danki na e lama bunita aki nos tin hopi turista cu ta bin di afo pa disfruta di nos dushi
isla. Mi Aruba stima mi ta orguyoso di bisa Arubiano mi ta”.
Ademas cu e muchanan ganado a ricibi nan premio, nan klas tambe ta ricibi un premio. Minister
Xiomara Maduro ta felicita e ganadonan y ta gradici un biaha mas tur scol y muchanan pa a participa
den e competencianan. Masha danki na e docente y mayornan pa motiva y brinda ayudo na nos
muchanan, pa asina nan balora y aprecia mas Nos Dia Nacional, Dia di Himno y Bandera y asina
sigui sinti nan mes orguyoso di ta Arubiano.

2024 Hb Ganado Competencia Fotografia 042024 Hb Ganado Competencia Fotografia 032024 Hb Ganado Competencia Fotografia 02

Related posts

Homber cu a ocasiona destruccion den Clabillostraat deteni

EA News Author

Power Sports Aruba a inaugura e prome studio Deportivo di Aruba

EA News Author

Parlamentario Endy Croes : Raport BO ARUBA ta for di januari 2018 na parlamento

EA News Author

Leave a Comment

Whatsapp Message