Homber pedofil ta hari y cherche muchanan cu e la viola y ta keda un peliger pa besindario y otro muchanan

Diahuebs den oranan mainta pa merdia polis di Playa mester a bay atende un problema basta fastioso na un adres na Tanki Leendert.

E problema tawata relaciona cu un caso di Pedofiel algun aña atras. E homber Peruano Luis A.B Arana a wordo sentencia pa Pedofilia algun aña atras. Total e la sinta 6 luna so. Luis a mishi cu dos ruman tempo nan tawata tin 7 y 9 aña. Nos a compronde cu e muchanan aki ainda menor di edad ta bisiña di e homber, cu ta haci e situacion dificil. Aunke cu e homber no ta biba na su cas y a huur esaki, diahuebs mainta e la bin eynan, esta e cas cu e tin na huur. Momento cu e la yega eynan, net e menornan di edad tawata pafo.

Aki ta unda cu nos kier a yega cu e noticia aki.

Luis A.B. Arana manera nada no a pasa a cuminsa hari e muchanan den manera di cherche/bully.

Esaki a causa un trauma na e muchanan cu a bira mas grandi(ainda ta menor) unda cu un di e muchanan a bay den panico y a cuminsa grita yora.

Si esey no ta tur, ora cu mayornan di e muchanan a bisa pa e bay di eynan e la cuminsa chercha nan tambe cu un smile diabolico ariba su cara.

E la cora bisa cu e lo bay yama polis y a core bay den su auto Kia Rio, unda cu famianan a blokea e auto te ora polis yega. Mirando cu ora ta pasa y niun polis a yega, e mama a dicidi di yama Central di Polis y bisanan yega e adres.

Mientrastanto e Luis Arana sinta den su auto tawata keda saca potret di tur hende cu a yega na e sitio.

Na yegada di polis uno a bay atende cu e homber sinta den e auto y e otro cu famia.

Lamentablemente nada por wordo haci

Polis a scucha e mama y tata desespera pero ta bisanan cu ta un dificil paso e tereno ta di e homber y no por kite di yega eynan.Locual a haci dolor y indigna esnan presente ta cu como autoridad no tin nada cu nan por a haci cu homber aki.No a keda polisnan nada otro pa bise pa e move di e sitio e ora eynan pa evita un escalacion.Den e sentencia ta poni duidelijk cu momento e sali di KIA e no tin mag di tin nada di contacto cu e muchanan y ni e mama(bisiña). Diahuebs mainta e la viola locual ta poni den su sentencia.

Durante cu polisnan tawata atende e caso aki, doño di un Speelschool bisiña tambe a vocifera cu e agentenan cu nan niun no kier e homber ey banda, mirando cu e locual a sosode diahuebs mainta ta haci cu e ta un Predator di mucha.

Por a mira tambe cu e Speelschool su cura ta halto cera cu heki, pa asina proteha e criaturanan