ORANJESTAD, Aruba
Dialuna mainta a habri cu un tristesa mirando e vandalismo intencional a tuma luga na scol di macuarima. Brandweer mester a traha duro pa combati e candela den dos lokaal na e scol. Polis tambe a presenta, recherche y departamento forensico pa asina mira kico nan por encontra pa asina yega na e malechornan. Sinembargo apesar di tur cos tin imagennan y tambe diferente evidencianan cu e malechornan a laga atras cu por yega na nan. Scol di Macuarima actualmente no ta funcionando mirando loke a pasa , pero e perdida cu e scol a hiba na e dos klas nan aki ta hopi. Director di Macuarima School Sra. Rachelle Croes Caster ta duna di conoce cu lo mester bay drecha e dak di e scol, busca bukinan nobo ,schrifnan, material di maestronan, mesa stoel y articulonan personal cu e maestro nan mes ta cumpra pa haci e scol agradabel pa e muchanan tambe a bay perdi. Mirando loke a pasa dos otro scol a duna nan cooperacion y cu lo pone espacio disponibel pa tuma e muchanan di e klasnan cu a kima temporalmente pa asina e muchanan no wordo perhudica y ricibi nan lesnan cu nan tin mester. Coleganan di scol basico di SKOA tambe mesora a brinda apoyo na e muchanan pa materialnan cu nan tin mester. E siman aki lo keda trata e situacion unda cu lo mester atende cu e situacion di coriente na scol Macuarima pa asina e 8 klasnan cu a keda por sigui haña les normal na scol. Director di Scol Macuarima ta spera di curason cu e renobacion keda cla mas pronto cu ta posibel pa asina e muchanan por bin nan scol bek. Director di Scol di Macuarima ta kere ta importante pa keda educa nos muchanan pa cuida nan scol , duna balor na loke ta di nan. Aki na Aruba enseñansa casi nos por bisa cu e ta un previlegio akin a Aruba, nos por bisa cu nos ta bendiciona aki cu nos tin enseñansa pa nos muchanan y varios oportunidad pa nos muchanan.
