CuracaoFeaturedInternacional

Maneho di fondonan pa mantencion di caminda y desaroyo di rif y colon

13 Maneho Di Fondo2

Ministerio Concerni di Trafico, Transporte y planificacion Urbano, Minister Charles Cooper a reuni recientemente cu College Financieel Toezicht (CFT) pa intercambia idea tocante fondonan pa por ehecuta e plan di mas aña pa mantencion di caminda, y desaroyo di e area di Rif y Colon. Minister Cooper ta consiente di e hecho cu tin varios caminda na Corsou cu tin mester di mantencion. Pa e motibo aki, e Minister a laga traha un plan di mas aña (MOP) pa atenda cu e problematica aki. Pa logra esaki, lo tin mester di fondo. Den e cuadro aki, Minister Cooper a reuni ku CFT.

Durante e reunion, Minister Cooper a presenta e plan y a palabra cu:

– E plan aki ta un prioridat,

– Gobierno ta trahando riba un programa di invercion total pa pais (Nationale Investerings Agenda), y cu e MOP ta forma parti integral di e esaki,

– Lo tin colaboracion durante e ehecuscion di e MOP cu tur ministerio envolvi na momento cu ta concerni nan,

– Lo hasi uso di fondonan di belasting riba vehiculo,

– Mester garantisa ehecucion di MOP,

– Mester reforsa Servisio pa Obra Publiko (OW) su capacidad interno cu sosten di ‘Rijkswaterstaat’ y Ministerio di Infrastructura y Maneho di Awa di Hulanda.

Tambe a trata e topico di desaroyo di e area di Rif y Colon. Diferente projecto, tanto publico como priva, a keda ehecuta den area di Rif den e ultimo añanan. Esaki a wordo hasi cu e meta pa henter e area florece. A intercambia tocante e rol di VVRP den desaroyo di maneho pa planificacion urbano, identificacion di posibel invercionistanan pa inverti den e rea, un structura di supervision, y e capasidat di ehecucion nesesario.

13 Maneho Di FondoManeho Di Fondonan

Related posts

Abo ta hende muhe y bo ta interesa den agricultura ata e oportunidad

EA News Author

Gobièrnu ta tuma medida na diferente sitio pa motibu di yobida fuerte

EA News Author

Despues di 2 aña continuo, DVG ta stop cu COVID Update

EA News Author

Leave a Comment

Whatsapp Message