Un momento di tenshon a tuma luga ora cu un mata planta hopi aña pasa na final di e caya principal, a basha abou repentinamente. E suceso a sosode net na e momento cu un vehiculo tabata pasando, kende a keda cu daño material significante na su windshield.
Maske e impacto por a termina den un tragedia, danki Dios no tabatin ningun persona herida, aunke e susto pa e automobilista tabata uno considerable.
Autoridadnan a actua rápidamente na e sitio. Polis a presenta pa regula trafico y haci e control necesario, loke a permiti brandweer pa despues cuminsa zaag e mata den pida pida pa asina por a kit’e for di caminda y habri e via atrobe. Representantenan di DOW (Departamento di Obranan Publico) tambe a haci acto di presencia pa evalua e situacion di e cayida di e mata.
E suceso aki a habri caminda pa un cuestionamiento cu awor ta zona den boca di tur hende: Loke a pasa ta pone DOWresponsabel pa e gastonan? E pregunta di oro cu ta keda ta si e departamento lo paga pe windshield kibra di e ciudadano inocente cu tabata transitando legalmente riba caminda publico.
