Diaranson 20 di augustus, Conseho di Minister na corsou a keda informa tocante e situacion actual di siguridad. Motibo di e reunion aki tabata e anuncio tocante intensificacion di e unidadnan Mericano den Caribe.
E informacion a keda duna na Conseho di Minister dor di Comandante di Marina Real di Hulanda den Caribe, comandeur Walter Hansen, y director di Servicio Nacional di Siguridad (VDC), sr. Jérôme Beeldsnijder. Como departamento di Reino Hulandes, Ministerio di Defensa ta encarga cu defensa den Reino, incluyendo e parti Caribense di Reino.
E motibonan menciona dor di gobierno Mericano pa desplegá personal y recursonan, ta pa intensifica e operacionnan contra narcotrafico. E barconan envolvi den e operacionnan aki pues ta bon bini na Corsou pa, manera ta custumber, abastece nan suministro, incluyendo combustibel. E presencia di unidadnan Mericano den nos region ta cuadra cu practicanan di trabou.