Local

Minister Andin Bikker: ta inicia inscripcion pa e prome curso di Aruba Desk di Academia di Ley Caribense.

Whatsapp Image 2020 06 13 At 15.45.07

ORANJESTAD,Aruba

E Aruba Desk di Academia di Ley Caribense a habri inscripcion pa e prome curso pa ‘Certified Legislative Lawyer’. Minister di Husticia mr. Andin Bikker: ‘leynan por wordo considera como ‘software’ di un pais: nan mester wordo actualisa continuamente pa por adresa retonan y crea oportunidadnan nobo a base di leynan moderno, eficiente y efectivo.

Debi na por ehempel e retonan sin precedente di e Corona-virus (‘COVID-19’) ta sumamente necesario pa update varios di nos leynan y presenta concepto di leynan nobo.’. Den e cuadro menciona tur pais den Reino ta rekeri di mas hurista cu expertisio pa traha conceptonan di ley (‘wetgevingscapaciteit’).

Sinembargo tin hopi scarcedad di huristanan cu dicho expertisio.
Desde 2014 mr. Andin Bikker for di Parlamento a inicia esfuersonan pa a base di cooperacion den Reino Hulandes por yega na creacion di un Academia di Ley cual lo concentra pa train mas hurista den dicho expertisio. Na 2016 un mocion presenta pa mr. Bikker cu dicho efecto a wordo acepta unanimamente den Parlamento.

E concepto pa por yega na un Academia di Ley a bira un punto central di e maneho presenta pa e mandatario den presupuestonan aproba pa Parlamento di Aruba desde 2018, y minister Bikker a trece e tema varios biaha dilanti den cuadro di e ‘Justitieel Vierpartijen Overleg’.

Na februari 2020 minister Bikker tabata di bishita na hermana isla Corsou pa apertura di Caribbean Centre for Legislation (‘CCL’), cu a wordo funda pa colega Prome Minister di Corsou, Sr. Eugene Rhuggenaath, prof. dr. Sjoerd Zijlstra y dr. mr. Flora Goudappel. Eynan minister a Bikker a introduci e concepto pa creacion di un ‘Aruba Desk’ di e Caribbean Centre for Legislation, y asina extende CCL pa por ofrece cursonan na Aruba tambe.

E Caribbean Center di Legislation di Universidad di hermana isla Corsow ja haci inicio di apertura di inscripcion siman pasa. Diaberna ultimo Minister Bikker a haya aprobacion final di Conseho di Minister di Aruba y conjuntamente cu Aruba Desk di e Caribbean Centre for Legislation y den cooperacion cu Universidad di Aruba, a habri inscripcion pa e prome curso di ‘Certified Legislative Lawyer’.

Debi na e COVID-19 e cursonan lo wordo duna pa medio di ‘distance learning’ cu uso di e.o. video conferencing. E idea ta pa por inicia e aña aki cu training di como 15 Certified Legislative lawyer. Den cuadro di e Aruba Desk di Caribbean Centre for Legislation ademas tin plania pa den futuro cercano ofrece cursonan special (‘tailor-made’) pa por ehempel Parlamento, departamentonan di Gobierno y sector priva.

Related posts

Aruba tabata riba bon caminda prome cu covid y nos lo bolbe riba e bon caminda ey cu fe y determinacion

EA News Author

Minister Dangui Oduber: E aerolinea Sarpa tambe ta aumenta frecuencia di vuelonan pa Aruba

EA News Author

DIMAS ta introduci procedura transitorio pa pagonan di permiso

EA News Author

Leave a Comment

Whatsapp Message